ଦିନକ ପାଇଁ ବନ୍ଦେ ଭାରତ ଏକ୍ସପ୍ରେସର ସମସ୍ତ ଦାୟିତ୍ୱ ନେଲେ ମହିଳା

ମୁମ୍ବାଇ: ଆନ୍ତର୍ଜାତୀୟ ମହିଳା ଦିବସ ଅବସରରେ ଭାରତୀୟ ରେଳବିଭାଗ ପକ୍ଷରୁ ଏକ ନିଆରା ପଦକ୍ଷେପ ନିଆଯାଇଛି। ମହିଳାଙ୍କ କାନ୍ଧରେ ବନ୍ଦେ ଭାରତ ଏକ୍ସପ୍ରେସର ଦାୟିତ୍ୱ । ଯିଏ ପରିବାର ଚଳାଇପାରୁଛି ସିଏ କାହିଁକି ଟ୍ରେନ୍ ଚଳାଇପାରିବନି… ସେହି ଉଦ୍ଦେଶ୍ୟରେ ସିଏସଏମଟିରୁ ସିରିଡି ଯାଉଥିବା ବନ୍ଦେ ଭାରତ ଏକ୍ସପ୍ରେସର ସମସ୍ତ ଦାୟିତ୍ୱ ଆଜି ଦିନକ ପାଇଁ ମହିଳାମାନେ ନେଇଛନ୍ତି ।

ଟ୍ରେନ୍ ନଂ ୨୨୨୨୩- ଯାହା ଛତ୍ରପତି ଶିବାଜୀ ମହାରାଜ ଟର୍ମିନାଲରୁ ସିରିଡି ଅଭିମୁଖେ ଯାତ୍ରା କରୁଛି ସେହି ଟ୍ରେନର ସମସ୍ତ କ୍ରିୟୁ ମେମ୍ବର ମହିଳା ଅଟନ୍ତି । ଲୋକୋ-ପାଇଲଟ ଠାରୁ ସହକାରୀ ଲୋକୋ-ପାଇଲଟ, ମ୍ୟାନେଜରଙ୍କ ଠାରୁ ଆରମ୍ଭ କରି ଅନ୍ୟ କର୍ମଚାରୀ ସମସ୍ତେ ଆଜି ସେ ଟ୍ରେନରେ ମହିଳା ହିଁ ଅଛନ୍ତି । ରେଳ ମନ୍ତ୍ରାଳୟ ଦ୍ୱାରା ଏହି ଐତିହାସିକ ନିଷ୍ପତ୍ତି ଦେଶରେ ପ୍ରଥମ ଥର ପାଇଁ ନିଆଯାଇଛି । ଯାହା ମହିଳାଙ୍କ ସାମର୍ଥ, ଆତ୍ମଶକ୍ତି, ତ୍ୟାଗ, କର୍ତ୍ତବ୍ୟପରାୟଣତା ଏବଂ ନେତୃତ୍ୱ ନେବାର କ୍ଷମତାକୁ ପ୍ରତିପାଦିତ କରିଛି ।