ନାଚୁଛି ଟଙ୍କା ଗଛ, ଝୁଲୁଛି ବିଡ଼ା ବିଡ଼ା ନୋଟ୍
ନୂଆଦିଲ୍ଲୀ: ଆଜିକାଲି ସୋସିଆଲ ମିଡିଆରେ ଏମିତି କିଛି ଅଜବ ଭିଡ଼ିଓ ସବୁ ଭାଇରାଲ ହୁଏ, ଯାହା ଦେଖିବାକୁ ଆଶ୍ଚର୍ଯ୍ୟଜନକ ହୋଇଥାଏ । ଏବେ ଏମିତି ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି, ଯେଉଁଥିରେ ଘର ଆଗରେ ଟଙ୍କାର ଗଛ ଥିବା ବେଳେ ଏଥିରେ ବିଡ଼ା ବିଡ଼ା ନୋଟ ଦେଖିବାକୁ ମିଳିଛି । ଯାହାକୁ ଦେଖି ଲୋକେ ଆଶ୍ଚର୍ଯ୍ୟ ହୋଇଯାଇଛନ୍ତି ।
ଟଙ୍କା କ’ଣ ଗଛରେ ଫଳୁଛି? ମୁଁ କ’ଣ ଘରେ ଟଙ୍କା ଗଛ ଲଗେଇଛି?… ଏମିତି କିଛି କଥା ଆପଣ ବାରମ୍ବାର ଶୁଣିଥିବେ । ହେଲେ ଏବେ ସୋସିଆଲ ମିଡିଆରେ ଭାଇରାଲ ହେଉଥିବା ଏକ ଭିଡିଓରେ ଏପରି ଦେଖିବାକୁ ମିଳିଛି । ଘର ଆଗରେ ଟଙ୍କାର ଗଛ ଥିବା ବେଳେ ଏଥିରେ ବିଡ଼ା ବିଡ଼ା ନୋଟ ଦେଖିବାକୁ ମିଳିଛି । ୧୦, ୨୦, ୫୦, ୧୦୦ ଏବଂ ୫୦୦ ଟଙ୍କିଆ ନୋଟରେ ଭରି ହୋଇଯାଇଛି ଏହି ଗଛ । ପତ୍ର ଆଉ ଫୁଲ ଜାଗାରେ ଗଛରେ ଝୁଲୁଛି ଟଙ୍କା ନୋଟ୍ । ସୋସିଆଲ ମିଡିଆ ପ୍ଲାଟଫର୍ମ ଇନଷ୍ଟାଗ୍ରାମରେ ଡାଇଲଗ୍ ସୁପରଷ୍ଟାର ୨୮ ନାମକ ଏକ ଆକାଉଣ୍ଟରେ ଏକ ଭିଡିଓ ସେୟାର କରାଯାଇଛି ।
ଭାଇରାଲ ଭିଡ଼ିଓରେ ଦେଖିବାକୁ ମିଳିଛି ଯେ, ଜଣେ ଯୁବକ ନିଜ ଶରୀରରେ ନୋଟ୍ ଲଗାଇବା ସହ ମୁଣ୍ଡରେ ଗଛ ଡାଳ ଭଳି ନୋଟ୍ ଗୁଡ଼ିକୁ ଝୁଲାଇଛନ୍ତି । ଏହାସହିତ ମୁଣ୍ଡ ଉପରେ ଏହି ଟଙ୍କା ଗଛକୁ ଏକ ମୁକୁଟ ଭଳି ମୁଣ୍ଡରେ ପିନ୍ଧିଛନ୍ତି । ଏକ ମାଟି-ଖପରାର ଘର ଆଗରେ ଯୁବକ ଜଣକ ଚଳପ୍ରଚଳ କରୁଛି । ଭିଡିଓର ବ୍ୟାକଗ୍ରାଉଣ୍ଡରେ ବଲିଉଡର ଲୋକପ୍ରିୟ ଗୀତ ‘କ୍ୟୁ ପେସା ପେସା କରତି ହେ କ୍ୟୁ ପେସୋପେ ତୁ ମରତି ହେ…’ ବାଜୁଥିବାର ଶୁଣାଯାଉଛି । ଏହି ଗୀତର ତାଳେ ତାଳେ ଯୁବକ ଜଣକ ନାଚୁଥିବାର ଏହି ଭିଡିଓରେ ଦେଖାଯାଇଛି । ଆଉ କ୍ୟାପସନରେ ଲେଖିଛନ୍ତିି ‘ମେରେ ପାସ୍ ପେସେ କା ପେଡ଼ ହେ, ପେସେ କା ଲଗା ଦୁଁ ଢେର’ ।
ଏହି ଭିଡ଼ିଓକୁ ଦେଖିବା ପରେ ଅନେକ ଲୋକ ଏହାକୁ ପସନ୍ଦ କରିଥିବା ବେଳେ ଆଉ କିଛି ମଜାଳିଆ ମତ ବି ଦେଇଛନ୍ତି । ଇନଷ୍ଟାଗ୍ରାମରେ ଏହି ଭିଡିଓକୁ ବର୍ତ୍ତମାନ ପର୍ଯ୍ୟନ୍ତ ୨୯ ହଜାରରୁ ଊର୍ଦ୍ଧ୍ୱ ଲୋକ ପସନ୍ଦ କରିଛନ୍ତି । ପ୍ରାୟ ୪୦ ହଜାର ଲୋକ ସେୟାର ବି କରିଛନ୍ତି ।
