ଦଶହରା ଶୋଭାଯାତ୍ରାରେ କାରକୁ ଓଲଟାଇ ଦେଲା ହାତୀ
ଛପ୍ରା: ଶାରଦୀୟ ପୂଜା ପାଇଁ ଗାଁଠୁ ସହର ଉତ୍ସବମୁଖର ହୋଇଉଠିଛି। ଦଶହରା ଶୋଭାଯାତ୍ରାରେ ଏକ କାରକୁ ଖେଳନା ପରି ଓଲଟାଇ ଚୂରମାର କରିଦେଲା ହାତୀ । ଏହାର ଏକ ଭିଡ଼ିଓ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ଏହି ଘଟଣାଟି ବିହାରର ଛପ୍ରାରେ ଘଟିଛି । ଦଶହରା ଶୋଭାଯାତ୍ରାରେ ସମୟରେ ହାତୀଟି ହଠାତ୍ ଆକ୍ରମଣାତ୍ମକ ହୋଇ ଅନେକ ଯାନକୁ ନଷ୍ଟ କରିଦେଇଥିବା ଜଣାଯାଇଛି।
ବିହାରର ଛପ୍ରାରେ ଧୂମ୍ଧାମ୍ରେ ପାଳିତ ହୋଇଛି ଦଶହରା । ଏହି ଦଶହରା ଶୋଭାଯାତ୍ରାରେ ଯୋଗଦେବା ପାଇଁ ହାତୀକୁ ଅଣାଯାଇଥିଲା। ହଠାତ୍ ହାତୀ ଅନିୟନ୍ତ୍ରିତ ହୋଇ ରାସ୍ତାରେ ଦୌଡ଼ିବାକୁ ଲାଗିଲା । ଏହି ସମୟରେ ରାସ୍ତାରେ ଅଟକି ରହିଥିବା ଗାଡି ଉପରେ ଆକ୍ରମଣ ଆରମ୍ଭ କରିଥିଲା। ଅନେକ ଯାନକୁ ମଧ୍ୟ ନଷ୍ଟ କରି ଦେଲା। ହାତୀଟି ରାସ୍ତା କଡ଼ରେ ଅଟକି ଥିବା ଏକ କାରକୁ ଉଠାଇ ଏହାକୁ ଖେଳନା ପରି ଫୋପାଡି ଦେଇଥିଲା। ଫଳରେ କାରଟି ସମ୍ପୂର୍ଣ୍ଣ ନଷ୍ଟ ହୋଇଯାଇଛି। କାର ଡ୍ରାଇଭର କୌଣସି ପ୍ରକାରେ ନିଜ ଜୀବନ ବଞ୍ଚାଇବାରେ ସଫଳ ହୋଇଛନ୍ତି। ପରେ ମାହୁନ୍ତ ହାତୀକୁ ନିୟନ୍ତ୍ରଣ କରିଥିଲେ।
