ଦେଶର ସେବା କରିବା ସମୟରେ ଯଦି ଜୀବନ ଚାଲିଯାଏ ନିଜକୁ ଭାଗ୍ୟବାନ ମନେ କରିବି
ନୂଆଦିଲ୍ଲୀ: ଭାରତ ଗତ ମଙ୍ଗଳବାର ବିଳମ୍ବିତ ରାତିରେ ପାକିସ୍ତାନ ଭିତରକୁ ପ୍ରବେଶ କରି ପହଲଗାମ ଆକ୍ରମଣର ପ୍ରତିଶୋଧ ନେଇଛି।
ଭାରତୀୟ ସେନା ଏୟାର ଷ୍ଟ୍ରାଇକ୍ ମାଧ୍ୟମରେ ଆତଙ୍କବାଦୀ ଆଡ୍ଡାଗୁଡ଼ିକୁ ସମ୍ପୂର୍ଣ୍ଣ ଧ୍ୱଂସ କରିଦେଇଛି। ଭାରତର ଏହି କାର୍ଯ୍ୟାନୁଷ୍ଠାନ ପରେ ଦେଶବାସୀଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି। ଭାରତର ଆକ୍ରମଣ ପରେ ରାଷ୍ଟ୍ରୀୟ ଜନତା ଦଳର ନେତା ତଥା ଲାଲୁ ପ୍ରସାଦ ଯାଦବଙ୍କ ବଡ଼ ପୁଅ ତେଜ ପ୍ରତାପ ଯାଦବ ପ୍ରତିକ୍ରିୟା ଦେଇ କହିଛନ୍ତି, ‘ମୁଁ ପାଇଲଟ୍ ତାଲିମ ନେଇଛି ଏବଂ ଯଦି ଏହି ତାଲିମ ଦେଶ ସେବାରେ ଉପଯୋଗୀ ହୁଏ, ତେବେ ମୁଁ ନିଜକୁ ଭାଗ୍ୟବାନ ମନେ କରିବି।’
ତେଜ ପ୍ରତାପ ଯାଦବ ଫଟୋ ସେୟାର କରି ଏକ୍ସରେ ଲେଖିଛନ୍ତି, ‘ମୁଁ ମଧ୍ୟ ପାଇଲଟ୍ ହେବା ପାଇଁ ତାଲିମ ନେଇଛି। ଯଦି ମୋ ପାଇଲଟ୍ ତାଲିମ ଦେଶ ପାଇଁ କିଛି ଉପଯୋଗୀ ହୋଇପାରେ, ତେବେ ମୁଁ ତେଜ ପ୍ରତାପ ଯାଦବ, ଦେଶ ସେବା କରିବାକୁ ସର୍ବଦା ପ୍ରସ୍ତୁତ ଅଛି। ଯଦି ଦେଶସେବା କରିବା ସମୟରେ ମୋର ଜୀବନ ଚାଲିଯାଏ ତେବେ ମୁଁ ନିଜକୁ ଭାଗ୍ୟବାନ ମନେ କରିବି। ଜୟ ହିନ୍ଦ..’
