କିଛି ଘଣ୍ଟା ପରେ ପୃଥିବୀରେ ପହଞ୍ଚିବେ ସୁନୀତା
ନୂଆଦିଲ୍ଳୀ: ଆଉ ମାତ୍ର କିଛି ଘଣ୍ଟା ପରେ ପୃଥିବୀରେ ପହଞ୍ଚିବେ ମହାକାଶଚାରୀ ସୁନୀତା । ତାଙ୍କୁ ସ୍ୱାଗତ କରିବା ପାଇଁ ତାଙ୍କ ପରିବାର ଲୋକ ସମସ୍ତ ପ୍ରସ୍ତୁତି କରିଛନ୍ତି । ଆଉ ସେ କେତେବେଳେ ଧରାବତରଣ କରିବେ ଚାହିଁ ବସିଛନ୍ତି । ଦୀର୍ଘ ୯ମାସ ପରେ ମହାକାଶରୁ ଫେରିବା ନେଇ ସମସ୍ତେ ଉତ୍ସାହିତ ହୋଇପଡ଼ିଛନ୍ତି ।
ଅନ୍ତର୍ଜାତୀୟ ସ୍ପେଶ୍ ଷ୍ଟେସନ୍ରେ ଫସି ରହିଥିବା ମହାକାଶ ବିଜ୍ଞାନୀ ସୁନୀତା ଓ ବୁଚ୍ ୱିଲମୋରଙ୍କୁ ଫେରାଇ ଆଣିବା ପାଇଁ ପ୍ରକ୍ରିୟା ଆରମ୍ଭ ହୋଇଛି । ବୈଜ୍ଞାନିକମାନେ ଫେରିବା ପୂର୍ବରୁ ନିଜକୁ ପ୍ରସ୍ତୁତ କରୁଛନ୍ତି । ଆଉ ସେମାନଙ୍କ ଏହି ପ୍ରସ୍ତୁତିର ଏକ ଭିଡିଓ ନାସା ପକ୍ଷରୁ ଜାରି କରାଯାଇଛି । ଯେଉଁଥିଲେ ଉଭୟ ସୁନୀତା ଓ ବୁଚ୍ ବ୍ୟାୟାମ କରୁଥିବାର ଦେଖିବାକୁ ମିଳିଛି । ୯ ମାସ ପରେ ପୃଥିବୀ ପୃଷ୍ଠକୁ ଫେରିବେ । ଆଉ ସ୍ପେଶ୍ ଏକ୍ସର ସ୍ୱତନ୍ତ୍ର ସ୍ପେଶ୍ କ୍ରାଫ୍ଟ ଜରିଆରେ ସେମାନେ ଫେରିବେ । ଏଥିପାଇଁ ନିଜକୁ ପ୍ରସ୍ତୁତ କରୁଛନ୍ତି ସୁନୀତା ଓ ବୁଚ୍ ।
ଇଣ୍ଟରନ୍ୟାସନାଲ ସ୍ପେସ୍ ଷ୍ଟେସନ୍ରୁ ଅନ୍ ଡକିଂ କରିବା ପରେ ପୃଥିବୀ ପୃଷ୍ଠ ଆଡକୁ ଆସିବେ । ବୁଧବାର ଭୋର ସାଢେ ୩ଟାରେ ପୃଥିବୀରେ ପହଞ୍ଚିବେ । ବୋଇଂ ଷ୍ଟାରଲାଇନରେ ଯାନ୍ତ୍ରିକ ତ୍ରୁଟି କାରଣରୁ ମହାକାଶରେ ୯ମାସ ହେବ ଫସି ରହିଥିଲେ ସୁନିତା ଓ ତାଙ୍କ ସହଯୋଗୀ । ଏବେ ନାସା ପକ୍ଷରୁ ସ୍ପେସ୍ ଏକ୍ସର ଫାଲକନ୍-୯ ରକେଟକୁ ଗତ ଗୁରୁବାର କେନେଡି ସ୍ପେସ୍ ସେଣ୍ଟରରୁ ଉତ୍କ୍ଷେପଣ କରାଯାଇଥିଲା । ତେବେ ୧୯ ତାରିଖ ସୁଦ୍ଧା ସୁନିତା ପୃଥିବୀ ପୃଷ୍ଠକୁ ଫେରିବେ ବୋଲି ସୂଚନା ମିଳିଛି ।
