ଗୀତରେ ନଜର ଆସିଲେ ସଲମାନ୍- ରଶ୍ମିକା
ମୁମ୍ବାଇ: ସଲମାନ ଖାନଙ୍କ ଫିଲ୍ମ ‘ସିକନ୍ଦର’ର ଗୀତ ‘ନାଚେ ସିକନ୍ଦର’ ରିଲିଜ୍ ହୋଇଛି। ଗୀତଟି ଆସିବା ମାତ୍ରେ ଏହା ପ୍ରଶଂସକଙ୍କ ମଧ୍ୟରେ ହଇଚଇ ସୃଷ୍ଟି କରିବା ଆରମ୍ଭ କରିଦେଇଛି। ନିକଟରେ ଏହାର ଟିଜର ରିଲିଜ୍ ହୋଇଥିଲା, ଯାହା ପ୍ରଶଂସକଙ୍କୁ ବହୁତ ପସନ୍ଦ ଆସିବା ସହିତ ଟ୍ରେଲରକୁ ଉତ୍ସାହର ସହ ଅପେକ୍ଷା କରିଛନ୍ତି।
ଏହି ଗୀତରେ, ସଲମାନଙ୍କୁ ଜବରଦସ୍ତ ଡ୍ୟାନ୍ସ କରୁଥିବାର ଦେଖିବାକୁ ପାଇଛନ୍ତି ଦର୍ଶକ। ସଲମାନଙ୍କ ଡ୍ୟାନ୍ସ ଅନ୍ଦାଜ ଦର୍ଶକଙ୍କୁ ମତୁଆଲା କରିଛି। ରଶ୍ମିକା ମନ୍ଦନା ମଧ୍ୟ ଗୀତରେ ଭିନ୍ନ ଅନ୍ଦାଜରେ ଦେଖିବାକୁ ମିଳିଛି। ଏକ୍ସପ୍ରେସନ ସାଙ୍ଗକୁ ଡ୍ୟାନ୍ସ ଦର୍ଶକଙ୍କୁ ପସନ୍ଦ ଆସିଛି। ଗୀତର ହୁକ୍ ଷ୍ଟେପ୍ ପ୍ରସିଦ୍ଧ ‘ଡାବକେ’ ନୃତ୍ୟ ଦ୍ୱାରା ଅନୁପ୍ରାଣିତ।
ଚମତ୍କାର ସେଟ୍ ଏବଂ ପ୍ରସିଦ୍ଧ ତୁର୍କୀ ନୃତ୍ୟଶିଳ୍ପୀଙ୍କ ଉପସ୍ଥିତି ଗୀତର ସୌନ୍ଦର୍ଯ୍ୟକୁ ଆହୁରି ବୃଦ୍ଧି କରିଛି। କୋରିଓଗ୍ରାଫର ଅହମ୍ମଦ ଖାନ ଏଥିରେ ଏକ ତୁର୍କୀ ଶୈଳୀର ଅନୁଭବ ଯୋଡିଛନ୍ତି, ଯାହା ଯୋଗୁଁ ଗୀତଟି ଆହୁରି ସ୍ୱତନ୍ତ୍ର ହୋଇଯାଇଛି।
ଗୀତଟିର ସଙ୍ଗୀତ ଜେମ୍ ୮ ଦ୍ୱାରା ରଚିତ। ସମୀର ଏହାର ଗୀତ ଲେଖିଛନ୍ତି। ଏହା ଅମିତ ମିଶ୍ର, ଆକାଶ ଏବଂ ସିଦ୍ଧାନ୍ତ ମିଶ୍ରଙ୍କ କଣ୍ଠସ୍ୱରରେ ସଜ୍ଜିତ। ଫିଲ୍ମ ବିଷୟରେ କହିବାକୁ ଗଲେ, ସଲମାନଙ୍କ ‘ସିକନ୍ଦର’ ଚଳିତ ବର୍ଷ ଇଦ ଅବସରରେ ମୁକ୍ତିଲାଭ କରୁଛି। ଏହି ଫିଲ୍ମରେ ସଲମାନ ଏବଂ ରଶ୍ମିକାଙ୍କ ସହିତ କାଜଲ ଅଗ୍ରୱାଲ, ଶର୍ମନ ଜୋଶୀ ଏବଂ ସତ୍ୟରାଜ ଅଭିନୟ କରିଛନ୍ତି।
