ଅଘୋରୀ ବାବାଙ୍କ ପ୍ରେମରେ ପଡି ବିବାହ କଲେ ଋଷୀୟ ଯୁବତୀ
ନୂଆଦିଲ୍ଲୀ: ମହାକୁମ୍ଭରେ ଅଘୋରୀ ବାବାଙ୍କ ପ୍ରେମରେ ପଡ଼ିଲେ ଋଷୀୟ ଯୁବତୀ । ଦୁହେଁ ମହାକୁମ୍ଭରେ ବିବାହ କରିଥିବା ଜଣାପଡିଛି । ସେମାନଙ୍କର ଅନନ୍ୟ ପ୍ରେମ କାହାଣୀ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ମହାକୁମ୍ଭରେ ଅଧିକାଂଶ ସମୟ ଅଜବ ଏବଂ ଅନନ୍ୟ କାହାଣୀ ସାମ୍ନାକୁ ଆସୁଛି। ଆଇଆଇଟି ବାବାଙ୍କଠାରୁ ଆରମ୍ଭ କରି ମୋନାଲିସା ପର୍ଯ୍ୟନ୍ତ, ଅନେକ ଚର୍ଚ୍ଚିତ ବିଷୟ ସୋସିଆଲ ମିଡିଆରେ ଦୃଷ୍ଟି ଆକର୍ଷଣ କରିଥିଲା। ଏବେ ମହାକୁମ୍ଭରେ ଏକ ଲଭଷ୍ଟୋରୀ ଚର୍ଚ୍ଚାକୁ ଆସିଛି । ମହାକୁମ୍ଭ ପରିଦର୍ଶନ କରିବାକୁ ଆସିଥିବା ଜଣେ ଋଷୀୟ ମହିଳା ଜଣେ ଅଘୋରୀ ବାବାଙ୍କ ପ୍ରେମରେ ପଡି ବିବାହ କରିଥିବା ଦେଖିବାକୁ ମିଳିଛି ।
ଭାଇରାଲ ଭିଡିଓରେ ଦେଖିବାକୁ ମିଳିଛି ଯେ, ଜଣେ ବ୍ୟକ୍ତି ଏହି ରୁଷୀୟ ଯୁବତୀଙ୍କୁ ପଚାରୁଛନ୍ତି ଆପଣ ହିନ୍ଦୁ ଧର୍ମକୁ ପସନ୍ଦ କରନ୍ତି? ଏଥିରେ ସେ ହସି ହସି ଉତ୍ତର ଦେଲେ ଯେ, ସେ ଭଗବାନ ଗଣେଶଙ୍କର ଜଣେ ଭକ୍ତ। ସେହି ସମୟରେ ଯେତେବେଳେ ସେହି ବ୍ୟକ୍ତି ଅଘୋରୀ ବାବାଙ୍କୁ ପଚାରିଲେ ଯେ ଏହି ଯୁବତୀ ତାଙ୍କ ତପସ୍ୟାରେ ବାଧା ସୃଷ୍ଟି କରୁଛନ୍ତି କି? ବାବା ଲାଜରେ ହସିଲେ। ଏହି ସୁନ୍ଦର ଏବଂ ଅନନ୍ୟ ମୁହୂର୍ତ୍ତଟି ସୋସିଆଲ ମିଡିଆରେ ଭାଇରାଲ ହେଉଛି ଏବଂ ଲୋକମାନେ ଏହି ଅନନ୍ୟ ପ୍ରେମ କାହାଣୀ ଉପରେ ମଜାଦାର ପ୍ରତିକ୍ରିୟା ଦେଉଛନ୍ତି। ଜଣେ ୟୁଜର୍ସ ଲେଖିଛନ୍ତି, ଏବେ ଆମକୁ ମଧ୍ୟ ବାବା ହେବାକୁ ପଡିବ। ଆଉ ଜଣେ ବ୍ୟବହାରକାରୀ ଲେଖିଛନ୍ତି, ବାବାଙ୍କୁ ତାଙ୍କ ତପସ୍ୟାର ଫଳ ମିଳିଛି।
