ଋଷଭଙ୍କୁ ନାଲି ଆଖି ଦେଖାଇଲେ ରୋହିତ

ମୁମ୍ବାଇ: କ୍ରିକେଟର ଋଷଭ ପନ୍ତଙ୍କୁ ନାଲି ଆଖି ଦେଖାଇଲେ ରୋହିତ ଶର୍ମା । ଡ୍ରେସିଂ ରୁମ୍‌ରେ ଗାଳି କରୁଥିବାର ଏହି ଭିଡ଼ିଓ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ଏହାକୁ ଦେଖି କ୍ରୀଡ଼ାପ୍ରେମୀ ଆଶ୍ଚର୍ଯ୍ୟ ହୋଇଯାଇଛନ୍ତି ।

ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଚାଲିଥିବା ଟେଷ୍ଟ ସିରିଜର ଶେଷ ମ୍ୟାଚ୍ ମୁମ୍ବାଇର ୱାଙ୍ଖଡେ ଷ୍ଟାଡିୟମରେ ଆୟୋଜିତ ହୋଇଛି। ଏହି ମ୍ୟାଚ୍ ସମୟର ଅଧିନାୟକ ରୋହିତ ଶର୍ମା ଏବଂ ଋଷଭ ପନ୍ତଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଭାଇରାଲ ଭିଡିଓରେ ଦେଖିବାକୁ ମିଳିଛି ଯେ, ଡ୍ରେସିଂ ରୁମ୍‌ରେ ରୋହିତ ଋଷଭଙ୍କୁ ଜୋରରେ ଗାଳି ଦେଉଛନ୍ତିି। ଋଷଭ କିଛି କହୁଥିବାର ଦେଖିବାକୁ ମିଳୁଛି। ଏମିତି କି ଋଷଭ ଟିକେ ହସୁଥିବାର ମଧ୍ୟ ଦେଖିବାକୁ ମିଳୁଛି। ତେବେ ରୋହିତ କ’ଣ ପାଇଁ ନାଲିଆଖି ଦେଖାଉଛନ୍ତି ତାହାର କାରଣ ଜଣାପଡ଼ିନାହିଁ । ଏହି ଭିଡିଓଟି ତୃତୀୟ ଟେଷ୍ଟର ପ୍ରଥମ ଦିନର ବୋଲି କୁହାଯାଉଛି।