ପ୍ରଯୋଜକ ସାଜିଲେ କ୍ରିତି ସାନନ

ମୁମ୍ବାଇ: ପ୍ରଯୋଜକ ସାଜିଲେ ବଲିଉଡ ଅଭିନେତ୍ରୀ କ୍ରିତି ସାନନ । ବର୍ତ୍ତମାନ ତାଙ୍କ ପ୍ରଡକ୍ସନ ହାଉସ୍‌ର ପ୍ରଥମ ଫିଲ୍ମ ‘ଦୋ ପତି’ ନେଟ୍ ଫ୍ଲିକ୍ସରେ ମୁକ୍ତିଲାଭ କରିବାକୁ ଯାଉଛି। ଏହି ଚଳଚ୍ଚିତ୍ର ଏକ କ୍ରାଇମ୍ ଥ୍ରୀଲର ଅଟେ, ଯେଉଁଥିରେ କାଜୋଲ ଜଣେ ପୋଲିସ ଭୂମିକାରେ ନଜର ଆସିବେ। ଶଶାଙ୍କ ଚତୁର୍ବେଦୀଙ୍କ ଏହି ଚଳଚ୍ଚିତ୍ରରେ କ୍ରିତି ଏବଂ କାଜୋଲଙ୍କ ସହ ଅଭିନେତା ଶାହିର ଶେଖ ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଅଛନ୍ତି।

କ୍ରିତିଙ୍କ ପାଇଁ ଚଳିତବର୍ଷ ବେଶ୍ ଆଶାଜନକ ରହିଛି। ’କ୍ରୁ’ ଏବଂ ‘ତେରି ବାତୋଂ ମେ ଏସା ଉଲଜା ଜିଆ’ ଭଳି ହିଟ୍ ଚଳଚ୍ଚିତ୍ରରେ ନଜର ଆସିଥିବା କ୍ରିତି ବର୍ତ୍ତମାନ ପ୍ରଯୋଜକ ସାଜିଛନ୍ତି। ତାଙ୍କର ଅଭିନୟକୁ ଲୋକେ ଖୁବ୍ ପସନ୍ଦ କରନ୍ତି ।