ସାମ୍ବାଦିକାଙ୍କୁ ବିବାହ କରିବେ ପ୍ରଦୀପ
ଭୁବନେଶ୍ୱର: ବିବାହ କରିବେ ପୂର୍ବତନ ସାଂସଦ ପ୍ରଦୀପ ମାଝୀ। ଗୋଆରେ ହେବ ବିବାହ ଉତ୍ସବ। ମାର୍ଚ୍ଚ ୧୨ ରେ ବିଜେଡି ନେତା ତଥା ପୂର୍ବତନ ନବରଙ୍ଗପୁର ସାଂସଦ ପ୍ରଦିପ କୁମାର ମାଝୀ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି।ତାଙ୍କର ଭାବି ସ୍ତ୍ରୀ ଜଣେ ପୂର୍ବତନ ସାମ୍ବାଦିକା । ସେ ଖବରକାଗଜ ଏବଂ ଟେଲିଭିଜନ ଚ୍ୟାନେଲରେ କାମ କରିଛନ୍ତି। ସେ ରାଜଧାନୀର ଉତ୍କଳ ବିଶ୍ୱବିଦ୍ୟାଳୟରୁ ସାମ୍ବାଦିକତା କରିଛନ୍ତି।
୨୦୦୯ରେ କଂଗ୍ରେସରୁ ଟିକେଟ ନେଇ ପ୍ରଦୀପ ଓଡିଶାର ନବରଙ୍ଗପୁର ନିର୍ବାଚନମଣ୍ଡଳୀରୁ ଲୋକସଭାକୁ ନିର୍ବାଚିତ ହୋଇଥିଲେ। ଏହାପୂର୍ବରୁ ସେ ନବରଙ୍ଗପୁର ଜିଲ୍ଲା ପରିଷଦର ସଭାପତି ଥିଲେ। କଂଗ୍ରେସ ନେତା ରାହୁଲ ଗାନ୍ଧୀଙ୍କ ନିକଟତର ହୋଇଥିଲେ ପ୍ରଦୀପ। ସେ ରାଜ୍ୟରେ ଦଳର କାର୍ଯ୍ୟନିର୍ବାହୀ ସଭାପତି ଭାବରେ ଉନ୍ନୀତ ହେବା ପୂର୍ବରୁ ଓଡିଶାରେ ଯୁବ କଂଗ୍ରେସର ସଭାପତି ଭାବରେ କାର୍ଯ୍ୟ କରିଥିଲେ। ୨୦୨୧ ମସିହାରେ କଂଗ୍ରେସ ଦଳ ଛାଡିବା ପରେ ନବୀନ ପଟ୍ଟନାୟକଙ୍କ ନେତୃତ୍ୱାଧୀନ ବିଜୁ ଜନତା ଦଳରେ ଆଦିବାସୀ ନେତା ଯୋଗ ଦେଇଥିଲେ। ପ୍ରଦୀପ ୨୦୨୪ ଲୋକସଭା ନିର୍ବାଚନରେ ନବରଙ୍ଗପୁର ସେଗମେଣ୍ଟରୁ ବିଜେଡି ଟିକେଟରେ ହାରିଥିଲେ।
