ପାରମ୍ପାରିକ କାଞ୍ଚିପୂରମ ଶାଢୀରେ ନଜର ଆସିଲେ ନୀତା
ୱାଶିଂଟନ୍: ଆମେରିକାର ନବର୍ନିବାଚିତ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ସୋମବାର ରାଷ୍ଟ୍ରପତି ଭାବରେ ଶପଥ ନେଇଛନ୍ତି। ଶପଥ ଗ୍ରହଣ ଉତ୍ସବରେ ବିଶ୍ୱର ପ୍ରମୁଖ ନେତା ଏବଂ ପ୍ରସିଦ୍ଧ ବ୍ୟକ୍ତିମାନେ ସାମିଲ ହୋଇଥିଲେ। ଏହି ଅବସରରେ ଗତକାଲି ଆମେରିକାରେ ଏକ ଡିନର ପାର୍ଟିର ଆୟୋଜନ କରାଯାଇଥିଲା।
ଏହି ଡ଼ିନର ପାର୍ଟିରେ ଯୋଗ ଦେଇଥିଲେ ରିଲାଏନ୍ସ ଇଣ୍ଡଷ୍ଟ୍ରିଜ ଅଧ୍ୟକ୍ଷ ମୁକେଶ ଅମ୍ବାନୀ ଏବଂ ରିଲାଏନ୍ସ ଫାଉଣ୍ଡେସନ ଅଧ୍ୟକ୍ଷା ନୀତା ଅମ୍ବାନୀ । ସେ ଡୋନାଲ୍ଡ ଟ୍ରମ୍ପଙ୍କୁ ଭେଟିଥିଲେ। ଏହି ସମୟରେ ନୀତା ଅମ୍ବାନୀ ବହୁତ ସୁନ୍ଦର ଏକ ପାରମ୍ପରିକ ଶାଢ଼ି ପିନ୍ଧିଥିଲେ। ସେ ସବୁବେଳେ ତାଙ୍କର ପାରମ୍ପରିକ ଲୁକ ସହିତ ଲୋକଙ୍କ ହୃଦୟ ଜିତିଥାନ୍ତି । ଏଥର ମଧ୍ୟ ସେ ଏକ କଳା ରଙ୍ଗର ଶାଢ଼ିରେ ନଜର ଆସିଥିଲେ। ଏହି ସମୟରେ ନୀତା ପାରମ୍ପରିକ କାଞ୍ଚିପୁରମ ସିଲ୍କ ଶାଢ଼ି ପିନ୍ଧିଥିଲେ। ସେ ଏକ କଳା ରଙ୍ଗର ସ୍ଳିଭ ବ୍ଲାଉଜ ଏବଂ ଅଳଙ୍କାର ମଧ୍ୟ ପିନ୍ଧିଥିଲେ। ଜାତୀୟ ପୁରସ୍କାର ବିଜେତା କାରିଗର ବି. କୃଷ୍ଣମୂର୍ତ୍ତିଙ୍କ ଦ୍ୱାରା ବୁଣାଯାଇଥିବା ଏହି ଶାଢ଼ିରେ ନୀତା ବହୁତ ସୁନ୍ଦର ଦେଖାଯାଉଥିଲେ। ଏହି ମଖମଲ ବ୍ଲାଉଜ ପ୍ରସିଦ୍ଧ ଫ୍ୟାଶନ ଡିଜାଇନର ମନୀଷ ମଲହୋତ୍ରାଙ୍କ ଦ୍ୱାରା ଡିଜାଇନ କରାଯାଇଛି।
ନୀତା ଅମ୍ବାନୀ ଏକ ସୁନ୍ଦର ୨୦୦ବର୍ଷ ପୁରୁଣା ପେଣ୍ଡାଣ୍ଟ ପିନ୍ଧିଥିଲେ। ଯାହା ଉପରେ ମାଣିକ, ହୀରା ଏବଂ ମୁକ୍ତାରେ ସଜାଯିବା ସହ ଶୁଆ ଚିତ୍ର ହୋଇଛି। ଲାଲ ଏବଂ ସବୁଜ ଏନାମେଲ ସହିତ କୁନ୍ଦନ କୌଶଳ ବ୍ୟବହାର କରି ତିଆରି ହୋଇଛି। ସେ ହାର ସହିତ ମେଳ ଖାଉଥିବା ମୁଦି ଏବଂ କାନଫୁଲ ମଧ୍ୟ ପିନ୍ଧିଥିଲେ। ଏହା ବ୍ୟତୀତ, ଅନେକ ଫଟୋରେ, ସେ ଏକ କଳା ରଙ୍ଗର କୋଟ ପିନ୍ଧିଥିଲେ ଯାହା ବହୁତ ସୁନ୍ଦର ଦେଖାଯାଉଥିଲେ । ଏଥିରେ ପଶମ କାମ ଥିଲା। ମୁକେଶ ଅମ୍ବାନୀ ଏକ କଳା ବ୍ଲେଜର, ମ୍ୟାଚ କରୁଥିବା ଟ୍ରାଉଜର, ଧଳା ସାର୍ଟ ଏବଂ ଲାଲ ଟାଇ ପିନ୍ଧିଥିଲେ।
