ମହାକୁମ୍ଭରେ ମୋଦି,ଯୋଗୀ ବୁଡ଼ ପକାଇବା ନେଇ ଚର୍ଚ୍ଚା
ନୂଆଦିଲ୍ଲୀ: ପ୍ରୟାଗରାଜରେ ବର୍ତ୍ତମାନ ମହାକୁମ୍ଭର ଆଧ୍ୟାତ୍ମିକ ପରିବେଶ । ଦେଶ ତଥା ବିଦେଶର କୋଣ ଅନୁକୋଣରୁ ଲକ୍ଷ ଲକ୍ଷ ସାଧୁସନ୍ଥ ତଥା ଶ୍ରଦ୍ଧାଳୁ ପବିତ୍ର ସଙ୍ଗମରେ ବୁଡ଼ ପକାଇବା ପାଇଁ ସୁଅ ଛୁଟୁଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବସନ୍ତ ପଞ୍ଚମୀ ତିଥିରେ ମହାକୁମ୍ଭରେ ବୁଡ଼ ପକାଇବା ନେଇ ଚର୍ଚ୍ଚା ହେଉଛି । ଏହା ବ୍ୟତୀତ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମଧ୍ୟ ନିଜ ପୁରା କ୍ୟାବିନେଟ୍ ସହ ସଙ୍ଗମରେ ବୁଡ଼ ପକାଇବେ । ଏହା ସହ ସେଠାରେ କ୍ୟାବିନେଟ୍ ବୈଠକ ମଧ୍ୟ କରିବେ ।
ଆସନ୍ତା ୨୧ ତାରିଖରେ ହେବାକୁ ଥିବା କ୍ୟାବିନେଟ୍ ବୈଠକ ମହାକୁମ୍ଭ ପାଇଁ ସ୍ଥଗିତ ରଖାଯାଇପାରେ । ମହାକୁମ୍ଭ ସମୟରେ ସଙ୍ଗମନଗରୀରେ କ୍ୟବିନେଟ୍ ବୈଠକ ନିଷ୍ପତ୍ତି ନେଇଛନ୍ତି ଯୋଗୀ । କିନ୍ତୁ ସେହି ସମୟରେ ପ୍ରବଳ ଭିଡ଼ ଯୋଗୁଁ ଫେବୃଆରୀ ପ୍ରଥମ ସପ୍ତାହରେ କ୍ୟାବିନେଟ୍ ବୈଠକ ହୋଇପାରେ ।
ଆସନ୍ତା ୮ କିମ୍ବା ୯ ତାରିଖରେ ପ୍ରଧାନମନ୍ତ୍ରୀ ମୋଦୀ ପ୍ରୟାଗରାଜ ଆସିପାରନ୍ତି । ସେଠାରେ ସେ ସଙ୍ଗମ ସ୍ନାନ କରିପାରନ୍ତି । କହିରଖୁଛୁ ମହାକୁମ୍ଭ ପ୍ରାରମ୍ଭରୁ ଯୋଗୀ ପ୍ରଧାନମନ୍ତ୍ରୀଙ୍କୁ ପ୍ରୟାଗରାଜ ମହାକୁମ୍ଭରେ ଯୋଗ ଦେବାକୁ ନିମନ୍ତ୍ରଣ କରିଥିଲେ ।
