ରୁଷରେ ମୋଦିଙ୍କୁ କୃଷ୍ଣଙ୍କ ଭଜନ ଗାଇ କରାଗଲା ସ୍ୱାଗତ
ମସ୍କୋ: ଆଜି ଋଷ ଗସ୍ତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ସେ ବ୍ରିକ୍ସ ଶିଖର ସମ୍ମିଳନୀରେ ହେବେ ସାମିଲ । କାଜାନରେ ୨୨ରୁ ୨୪ ଯାଏ ୧୬ତମ ବ୍ରିକ୍ସ ସମ୍ମିଳନୀ ଅନୁଷ୍ଠିତ ହେବ। ମୋଦି ଋଷରେ ପହଞ୍ଚିବା ପରେ ଋଷୀୟ କଳାକାରମାନେ କୃଷ୍ଣଙ୍କ ଭଜନ ଗାଇ ଭବ୍ୟ ସ୍ୱାଗତ କରିଥିଲେ ।
ଭଗବାନ କୃଷ୍ଣଙ୍କ ଉଦ୍ଦେଶ୍ୟରେ ଉତ୍ସର୍ଗୀକୃତ ଭଜନ ଦୁଇ ଦେଶ ମଧ୍ୟରେ ଆଧ୍ୟାତ୍ମିକତା ଏବଂ ସାଂସ୍କୃତିକ ଐତିହ୍ୟର ସହଭାଗୀ କୃତଜ୍ଞତାକୁ ପ୍ରତିଫଳିତ କରି ଉପସ୍ଥିତ ଲୋକଙ୍କୁ ଉତ୍ସାହିତ କରିଥିଲା। ଅନ୍ତର୍ଜାତୀୟ ସମ୍ପର୍କକୁ ପ୍ରୋତ୍ସାହିତ କରିବାରେ ପ୍ରଧାନମନ୍ତ୍ରୀ ମୋଦି ନିଜର କୃତଜ୍ଞତା ଜଣାଇଛନ୍ତି।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସ୍ୱାଗତ କରିବା ପାଇଁ ତାଙ୍କ ଦଳ ସହିତ ଭାରତୀୟ ନୃତ୍ୟ ପରିବେଷଣ କରିଥିବା ଜଣେ ରୁଷୀୟ କଳାକାର କହିଛନ୍ତି, ଆମେ ବହୁତ ନର୍ଭସ ଥିଲୁ। ଏହି ନୃତ୍ୟ ପ୍ରଦର୍ଶନ ପାଇଁ ଆମେ ପ୍ରାୟ ତିନିମାସ ଅଭ୍ୟାସ କରିଥିଲୁ। ଲୋକମାନେ ପ୍ରକୃତରେ ପ୍ରଧାନମନ୍ତ୍ରୀ ମୋଦିଙ୍କୁ ବହୁତ ପସନ୍ଦ କରନ୍ତି। ପ୍ରଧାନମନ୍ତ୍ରୀ ମୋଦି ଆମ ସମସ୍ତଙ୍କୁ ପ୍ରଶଂସା କରିଛନ୍ତି।
