ମନୋରଞ୍ଜନ

ଓସ୍କାର ଦୌଡରେ ହିନ୍ଦୀ ସର୍ଟ ଫିଲ୍ମ ଅନୁଜା

ନୂଆଦିଲ୍ଲୀ: ଓସ୍କାର ଦୌଡରେ ହିନ୍ଦୀ ସର୍ଟ ଫିଲ୍ମ ଅନୁଜା । ୯୭ତମ ଏକାଡେମୀ ଆୱାର୍ଡ ପାଇଁ ମନୋନୀତ ହୋଇଥିବା ଫିଲ୍ମଗୁଡ଼ିକର ନାଁ ଗୁରୁବାର ସନ୍ଧ୍ୟାରେ ଏକାଡେମୀ ଅଫ୍ ମୋସନ୍ ପିକ୍‌ଚର ଆର୍ଟ୍‌ସ ଆଣ୍ଡ୍ ସାଇନ୍ସ୍ ପକ୍ଷରୁ ଘୋଷଣା କରାଯାଇଛି । ଓସ୍କାର ୨୦୨୫ ପୁରସ୍କାର ଦୌଡରେ ଭାରତୀୟ ସିନେମାର ପ୍ରତିନିଧିତ୍ୱ କରିବ ଅନୁଜା । ଲାଇଭ ଆକ୍ସନ ସର୍ଟ ଫିଲ୍ମ ବର୍ଗରେ ଭାରତୀୟ- ଆମେରିକୀୟ ହିନ୍ଦୀ ଭାଷୀ ଫିଲ୍ମ ଅନୁଜା ନାମିତ କରାଯାଇଛି । ମିଣ୍ଡି କାଲିଂ, ଗୁନୀତ ମୋଙ୍ଗା ଏବଂ ଅଭିନେତ୍ରୀ ପ୍ରିୟଙ୍କା ଚୋପ୍ରା ଏହି ଫିଲ୍ମରେ ଅଭିନୟ କରିଛନ୍ତି । ଏହି ଦୌଡରେ ୧୮୦ଟି ଫିଲ୍ମ ରହିଥିବା ବେଳେ ୫ଟି ସିନେମା ମନୋନୀତ ହୋଇଛି ।

ଫିଲ୍ମଟି ୯ ବର୍ଷର ଝିଅ ଅନୁଜାଙ୍କ କାହାଣୀ । ସେ ବଡ଼ ଭଉଣୀ ପଲକଙ୍କ ସହ ଏକ ଫ୍ୟାକ୍ଟ୍ରିରେ କାମ କିମ୍ବା ପାଠ ପଢ଼ିବା ଭିତରୁ ଗୋଟିଏକୁ ବାଛିବା ଲାଗି ବାଧ୍ୟ ହୋଇଛନ୍ତି । ତାଙ୍କୁ ବୋର୍ଡିଂ ସ୍କୁଲରେ ପଢ଼ିବା ଲାଗି ସୁବର୍ଣ୍ଣ ସୁଯୋଗ ମିଳୁଛି । ଏହି ନିଷ୍ପତ୍ତି କିପରି ତାଙ୍କର ଏବଂ ତାଙ୍କ ଭଉଣୀଙ୍କ ଜୀବନ ବଦଳାଉଛି ତାହା ଉପରେ ଫିଲ୍ମ ଆଧାରିତ । ଅନୁଜା ଚରିତ୍ରରେ ୯ ବର୍ଷୀୟା ସଜଦା ପଠାନ ଅଭିନୟ କରିଛନ୍ତି । ସଜଦା ୨୦୨୩ରେ ଆସିଥିବା ଫିଚର ଫିଲ୍ମ ‘ଦ ବ୍ରେଡ୍‌’ରେ କାମ କରି ସାରିଛନ୍ତି । ବଡ଼ ଭଉଣୀ ଭୂମିକାରେ ଅନନ୍ୟା ଶାନ୍‌ଭାନ ଅଛନ୍ତି ।

ଶ୍ରେଷ୍ଠ ଫିଲ୍ମ ବର୍ଗରେ ମନୋନୀତ ହୋଇଥିବା ଚଳଚ୍ଚିତ୍ର ଗୁଡ଼ିକ ହେଉଛି ଆନୋରା, ଦ ବ୍ରୁଟାଲିଷ୍ଟ, ଏ କମ୍ପ୍ଲିଟ୍ ଅନ୍‌ନୋନ୍‌, କନ୍‌କ୍ଲେଭ୍‌, ଡ୍ୟୁନ୍‌: ପାର୍ଟ ୨, ଏମିଲିଆ ପେରେଜ୍‌, ଆଇ ଆମ୍ ଷ୍ଟିଲ୍ ହିଅର, ନିକେଲ ବଏଜ୍‌, ଦ ସବ୍‌ଷ୍ଟାନ୍ସ, ୱିକ୍‌ଡ ରହିଛି । ଶ୍ରେଷ୍ଠ ନିର୍ଦ୍ଦେଶକ ବର୍ଗରେ ଜାକ୍ୟୁସ୍ ଅଡିଆର୍ଡ, ସିନ୍ ବେକର, ବ୍ରାଡି କୋରବେଟ୍‌, କୋରାଲି ଫାରଗେଟ୍‌, ଜେମ୍ସ ମ୍ୟାନ୍‌ଗୋଲ୍ଡଙ୍କ ନାଁ ନାମିତ ହୋଇଛି । ଶ୍ରେଷ୍ଠ ଅଭିନେତା ବର୍ଗରେ ରହିଛନ୍ତି ଏଡ୍ରିନ୍ ବ୍ରୋଡି, ଟିମୋଥି ଚାଲାମେଟ୍‌, କୋଲମ୍ୟାନ୍ ଡୋମିନ୍‌ଗୋ, ରାଲ୍‌ଫ ଫିନ୍ନେସ୍‌, ସେବାଷ୍ଟିଆନ୍ ଷ୍ଟାନ୍ । ସିନ୍‌ଥିଆ ଏରିଭୋ, ର୍କାଲା ସୋଫିଆ ଗାସ୍‌କୋନ୍‌, ମିକି ମାଡିସନ୍‌, ଡେମି ମୁରେ, ଫର୍ଣ୍ଣାଡା ର୍ଟୋସ ଶ୍ରେଷ୍ଠ ଅଭିନେତ୍ରୀ ବର୍ଗରେ ମନୋନୀତ ହୋଇଛନ୍ତି ।

କହିରଖୁଛୁ କି, ୯୭ତମ ଓସ୍କାର ପୁରସ୍କାର ଉତ୍ସବ ଲସ ଏଞ୍ଜେଲସର ଡଲବି ଥିଏଟରରେ ଆସନ୍ତା ମାର୍ଚ୍ଚ ୨ ତାରିଖରେ ଅନୁଷ୍ଠିତ ହେବ । ତେବେ ନେଟଫ୍ଲିକ୍ସରେ ଏହି ଫିଲ୍ମକୁ ଷ୍ଚ୍ରିମ କରାଯିବ ।

The Aarnika

Related Articles

Leave a Reply

Your email address will not be published. Required fields are marked *

Back to top button