ସ୍ତ୍ରୀଙ୍କୁ ଖୁସି କରିବାକୁ ଗୀତ ଗାଇଲେ ଫେସ୍ବୁକ ମାଲିକ
ନୂଆଦିଲ୍ଲୀ: ବୈବାହିକ ଜୀବନରେ ଖୁସି ରହିବାର ମୂଳ ଆଧାର ହେଉଛି ସ୍ତ୍ରୀ-ସ୍ୱାମୀଙ୍କ ମଧ୍ୟରେ ପରସ୍ପର ବୁଝମଣା। ଏହା କେବଳ ସାଧାରଣ ଲୋକଙ୍କ ପାଇଁ ନୁହେଁ ବରଂ ବଡ଼ ଲୋକଙ୍କ ପାଇଁ ମଧ୍ୟ ପ୍ରଯୁଜ୍ୟ। ଏହି ସମ୍ପର୍କିତ ଏକ ଭିଡିଓ ଆଜିକାଲି ଚର୍ଚ୍ଚାରେ ଅଛି। ମେଟା ତଥା ଫେସ୍ବୁ୍କର ମାଲିକ ନିଜ ସ୍ତ୍ରୀଙ୍କ ଜନ୍ମଦିନରେ ତାଙ୍କୁ ଖୁସି କରିବା ପାଇଁ ଏପରି କିଛି କରିଥିଲେ, ଯାହାର ଭିଡିଓ ଖୁବ୍ ଭାଇରାଲ ହେବାରେ ଲାଗିଛି ।
ଭାଇରାଲ ଭିଡିଓରେ, ଜୁକରବର୍ଗ ତାଙ୍କ ସ୍ତ୍ରୀଙ୍କୁ ଏକ ବିଶେଷ ସରପ୍ରାଇଜ ଦେଉଥିବାର ଦେଖାଯାଉଛି। ଭିଡିଓରେ ଦେଖିବାକୁ ମିଳିଛି ଯେ, ତାଙ୍କ ସ୍ତ୍ରୀଙ୍କୁ ଖୁସି କରିବା ପାଇଁ, ଜୁକରବର୍ଗ ଉତ୍ସାହୀ ଭାବରେ ଜନ୍ମଦିନ ପାର୍ଟିରେ ପ୍ରବେଶ କରିଛନ୍ତି। ଏହା ପରେ, ସେ ଚମତ୍କାର ଢଙ୍ଗରେ ନିଜ ଡ୍ରେସ୍ ଓହ୍ଲାଇ ଥିଲେ। ଏହା କରି ସେଠାରେ ଉପସ୍ଥିତ ଲୋକମାନେ ଆଶ୍ଚର୍ଯ୍ୟ ହୋଇଯାଆନ୍ତି। ଜୁକରବର୍ଗ ଏକ ନୀଳ ଜମ୍ପସୁଟ ପିନ୍ଧିଥିଲେ।
ଏହା ବ୍ୟତୀତ ସେ ତାଙ୍କ ସ୍ତ୍ରୀଙ୍କୁ ଖୁସି କରିବା ପାଇଁ ଗୀତ ମଧ୍ୟ ଗାଇଥିଲେ। ଏହି କ୍ଲିପ ଦେଖି ବୁଝି ହେଉଛି ଯେ ତାଙ୍କ ସ୍ତ୍ରୀ ଏହି ସରପ୍ରାଇଜ୍ରେ ବହୁତ ଖୁସି ନଜର ଆସୁଛନ୍ତି। ଜୁକରବର୍ଗ ତାଙ୍କ ଇନଷ୍ଟାରେ ଏହି ଭିଡିଓଟି ସେୟାର କରିଛନ୍ତି, ଯାହା ଏବେ ଭାଇରାଲ ହେଉଛି। ଏହି କ୍ଲିପ୍କୁ ଲକ୍ଷ ଲକ୍ଷ ଲୋକ ପସନ୍ଦ କରିଛନ୍ତି, କିନ୍ତୁ କୋଟି କୋଟି ଲୋକ ଏହି ଭିଡିଓ ଦେଖିସାରିଛନ୍ତି।
