‘ବକେୟା ବିଦ୍ୟୁତ ବିଲ ଦେଇନାହାନ୍ତି କଙ୍ଗନା’

ସିମଲା: ହିମାଚଳ ପ୍ରଦେଶର ମଣ୍ଡିର ବିଜେପି ସାଂସଦ ତଥା ବଲିଉଡ୍ ଅଭିନେତ୍ରୀ କଙ୍ଗନା ରାନାୱତ ଦାବି କରିଥିଲେ ଯେ ତାଙ୍କ ମନାଲିର ଖାଲି ଘରେ ୧ ଲକ୍ଷ ଟଙ୍କାର ବିଦ୍ୟୁତ୍ ବିଲ୍ ମିଳିଛି। ଏହି ସମୟରେ, ହିମାଚଳ ପ୍ରଦେଶ ରାଜ୍ୟ ବିଦ୍ୟୁତ୍ ବୋର୍ଡ ଲିମିଟେଡ୍ (HPSEBL) ବୁଧବାର କଙ୍ଗନାଙ୍କ ଏହି ଦାବିକୁ ଖାରଜ କରିଦେଇଛି ଯେ ମନାଲିରେ ତାଙ୍କ ‘ଖାଲି’ ଘରର ଗୋଟିଏ ମାସର ବିଦ୍ୟୁତ୍ ବିଲ୍ ପ୍ରାୟ ୧ ଲକ୍ଷ ଟଙ୍କା ଥିଲା। ବୋର୍ଡ କହିଛି ଯେ ୯୦୩୮୪ ଟଙ୍କାର ବିଲ୍ ଦୁଇ ମାସର ଥିଲା, ଯେଉଁଥିରେ ପୁରୁଣା ଦେୟ ଅନ୍ତର୍ଭୁକ୍ତ ଥିଲା।

ହିମାଚଳ ପ୍ରଦେଶର ମଣ୍ଡିର ଲୋକସଭା ସଦସ୍ୟ କଙ୍ଗନା ତାଙ୍କ ନିର୍ବାଚନମଣ୍ଡଳୀରେ ଅନୁଷ୍ଠିତ ଏକ ସାଧାରଣ ସଭାରେ “ବର୍ଦ୍ଧିତ ବିଦ୍ୟୁତ୍ ବିଲ୍” ପାଇଁ ରାଜ୍ୟରେ ଶାସକ କଂଗ୍ରେସକୁ ସମାଲୋଚନା କରିଥିଲେ। ଏହି ସାଧାରଣ ସଭାର ଏକ ଭିଡିଓ ସୋସିଆଲ ମିଡିଆରେ ବହୁଳ ଭାବରେ ପ୍ରସାରିତ ହେଉଛି। ଭିଡିଓରେ କଙ୍ଗନା କହୁଥିବାର ଦେଖାଯାଉଛି, “ମୁଁ ମନାଲିରେ ମୋ ଘର ପାଇଁ ଗୋଟିଏ ମାସର ୧ ଲକ୍ଷ ଟଙ୍କାର ବିଦ୍ୟୁତ୍ ବିଲ୍ ପାଇଛି। ମୁଁ ସେଠାରେ ରହେ ନାହିଁ।”

କଙ୍ଗନାଙ୍କ ଦାବିକୁ ପ୍ରତ୍ୟାଖ୍ୟାନ କରି, ହିମାଚଳ ପ୍ରଦେଶ ରାଜ୍ୟ ବିଦ୍ୟୁତ୍ ବୋର୍ଡ ଲିମିଟେଡ୍ ଏକ ବିବୃତ୍ତିରେ କହିଛି ଯେ ୯୦୩୮୪ ଟଙ୍କାର ବିଲ୍ ଦୁଇ ମାସ (ଜାନୁଆରୀ ଏବଂ ଫେବୃଆରୀ 2025) ପାଇଁ, ଯେଉଁଥିରେ ପୂର୍ବ ବକେୟା ୩୨୨୮୭ ଟଙ୍କା ମଧ୍ୟ ଅନ୍ତର୍ଭୁକ୍ତ। ବିବୃତ୍ତିରେ କୁହାଯାଇଛି ଯେ କଙ୍ଗନା ଅକ୍ଟୋବରରୁ ଡିସେମ୍ବର ପର୍ଯ୍ୟନ୍ତ ତାଙ୍କର ବିଲ୍ ଠିକ୍ ସମୟରେ ଦେଇ ନଥିଲେ।

ହିମାଚଳ ପ୍ରଦେଶ ରାଜ୍ୟ ବିଦ୍ୟୁତ୍ ବୋର୍ଡ ଲିମିଟେଡ୍ କହିଛି ଯେ କଙ୍ଗନାଙ୍କ ବାସଭବନର ଅକ୍ଟୋବର, ନଭେମ୍ବର ଏବଂ ଡିସେମ୍ବର, ୨୦୨୪ ମାସର ମୋଟ ବିଦ୍ୟୁତ୍ ବିଲ୍ ୮୨୦୬୧ ଟଙ୍କା ଥିଲା, ଯାହା ସମୟ ମଧ୍ୟରେ ପରିଶୋଧ କରାଯାଇ ନଥିଲା। “ଜାନୁଆରୀ ଏବଂ ଫେବୃଆରୀ ମାସର ବିଲ୍ ୨୮ ମାର୍ଚ୍ଚରେ ପୈଠ କରାଯାଇଥିଲା, ଏହି ସମୟ ମଧ୍ୟରେ ମୋଟ ୧୪,୦୦୦ ୟୁନିଟ୍ ବ୍ୟବହାର ହୋଇଥିଲା। ତେଣୁ ଏହା ସ୍ପଷ୍ଟ ଯେ କଙ୍ଗନାଙ୍କ ବାସଭବନରେ ମାସିକ ବିଦ୍ୟୁତ୍ ବ୍ୟବହାର ବହୁତ ଅଧିକ ଥିଲା | ହାରାହାରି ୫୦୦୦ ୟୁନିଟ୍ ରୁ ୯୦୦୦ ୟୁନିଟ୍ ପର୍ଯ୍ୟନ୍ତ ବିଦ୍ୟୁତ ବାହାର ବ୍ୟବହାର କରାଯାଇଥିଲା । ଏସବୁ ବି ସତ୍ତ୍ୱେ ବି ହିମାଚଳ ପ୍ରଦେଶ ସରକାର ବିଦ୍ୟୁତ୍ ବିଲ୍ ଉପରେ ସବସିଡି ମଧ୍ୟ ଦେଇଥିଲେ ।