ନାଳରେ ଖସିପଡ଼ିଲା କାର

ବାଙ୍ଗିରିପୋଷି: ନାଳରେ ଖସି ପଡ଼ିଲା କାର । ବଡ଼ ଦୁର୍ଘଟଣାରୁ ବର୍ତ୍ତି ଗଲେ ପୁରା ପରିବାର । ବାଙ୍ଗିରିପୋଷି ଥାନା ଧଡାଙ୍ଗିରି ନିକଟସ୍ଥ ନୟନଯୋଡ଼ି ନିକଟରେ ଘଟିଛି ଏହି ଦୁର୍ଘଟଣା । ଏହି ଦୁର୍ଘଟଣାରେ କେହି ମୃତାହତ ହୋଇନାହାନ୍ତି । ସ୍ଥାନୀୟ ଲୋକେ କାରରୁ ସମସ୍ତଙ୍କୁ ଉଦ୍ଧାର କରି ସ୍ଥାନୀୟ ଡ଼ାକ୍ତରଖାନାରେ ଭର୍ତ୍ତି କରିଛନ୍ତି । ଖବରପାଇ ବାଙ୍ଗିରିପୋଷି ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଚଳାଇଛି ।

ରେମୁଣା ବିଦ୍ୟୁତ୍ ବିଭାଗର ଏସଡିଓ ଇଂ ସରୋଜ ମହାପାତ୍ର ଓ ଭଦ୍ରକ ବିଦ୍ୟୁତ୍ ବିଭାଗ ସ୍କ୍ୱାଡ୍ ଇନଚାର୍ଜ ବୀରକିଶୋର ଦାସଙ୍କ ପରିବାର ଅଯୋଧ୍ୟାରୁ ବୁଲି ସାରି ଟ୍ରେନ ଯୋଗେ ରାଇରଙ୍ଗପୁରରେ ପହଞ୍ଚିଥିଲେ । ସେଠାରୁ ନିଳଗିରି ଯାଉ ଥିଲେ। ଚାଳକଙ୍କୁ ନିଦ ଲାଗିଯିବାରୁ ଭାରସାମ୍ୟ ହରାଇ ବାଙ୍ଗିରିପୋଷି ଥାନା ଧଡାଙ୍ଗିରି ନିକଟସ୍ଥ ନୟନଯୋଡ଼ିରେ ଖସିପଡିଥିଲା କାର। କାରରେ ମୋଟ ୫ ଜଣ ଥିଲେ। ସ୍ଥାନୀୟ ଲୋକେ ଉଦ୍ଧାର କରି ସମସ୍ତଙ୍କୁ ବାରିପଦା ମୁଖ୍ୟ ଡାକ୍ତରଖାନାରେ ଭର୍ତ୍ତି କରିଛନ୍ତି। ସମସ୍ତେ ସୁସ୍ଥ ଥିବା ଜଣାପଡିଛି।