ଜଙ୍ଗଲରୁ ଜବତ ହେଲା ୪ କୁଇଣ୍ଟାଲରୁ ଊର୍ଦ୍ଧ୍ୱ ଗଞ୍ଜେଇ

ଜୟପୁର: କାଠପୋଡା ପଂଚାୟତସ୍ଥିତ ବଡାଅଟାଲ ଜଙ୍ଗଲରୁ ୪ କୁଇଣ୍ଟାଲରୁ ଉର୍ଦ୍ଧ୍ୱ ଗଞ୍ଜେଇ ଜବତ କରିଛି ବୈପାରୀଗୁଡା ଥାନା ପୋଲିସ । ଜବତ ଗଞ୍ଜେଇର ଆନୁମାନିକ ମୂଲ୍ୟ ୫୦ ଲକ୍ଷ ଟଙ୍କା ହେବ ବୋଲି ଜଣାପଡ଼ିଛି । ରବିବାର ପୂର୍ବାହ୍ନରେ ପୋଲିସ ଚୋରା ଚାଲାଣ ହେବାକୁ ଥିବା ଏହି ଗଞ୍ଜେଇକୁ ଜବତ କରିଛି । ଗଞ୍ଜେଇ ମାଫିଆମାନେ ଏହାକୁ ଉକ୍ତ ଜଙ୍ଗଲରେ ଗଚ୍ଛିତ ରଖିଥିଲେ । କୌଣସି ସୂତ୍ରରୁ ଖବରପାଇ ବୈପାରୀଗୁଡ଼ା ପୋଲିସ ଘଟଣାସ୍ଥଳରେ ପହଞ୍ଚି ଏହି ଗଞ୍ଜେଇ ଜବତ କରିବାରେ ସଫଳ ହୋଇଥିଲା । ପୋଲିସ ଅଭିଯୁକ୍ତଙ୍କୁ ଧରିବା ପାଇଁ ଚେଷ୍ଟା ଚଳାଇଛି ।