ବିସ୍କୁଟ ଦ୍ୱାରା ଏଲ୍ଇଟିର ଟପ୍ କମାଣ୍ଡରକୁ ମାରିଲା ସେନା
ନୂଆଦିଲ୍ଲୀ: ଆତଙ୍କବାଦୀ ସଂଗଠନର କମାଣ୍ଡର ଲଶ୍କର-ଏ-ତୋଇବା, ଉସମାନକୁ ଶନିବାର ଜାମ୍ମୁ କାଶ୍ମୀରର ଖାନୟାର ଅଞ୍ଚଳରେ ଏନକାଉଣ୍ଟର ବେଳେ ସୁରକ୍ଷା ବାହିନୀ ଦ୍ୱାରା ହତ୍ୟା କରାଯାଇଛି। ସେନାର ସାହସିକତା ସହିତ ବିସ୍କୁଟ ମଧ୍ୟ ଏହି ଅଭିଯାନକୁ ସଫଳ କରିବାରେ ଏକ ପ୍ରମୁଖ ଭୂମିକା ଗ୍ରହଣ କରିଥିଲା । ଏଥର ସେନାର ଅନେକ ଅପରେସନ୍ ମାଧ୍ୟମରେ ଏହା ପ୍ରମାଣିତ ହୋଇଛି ଯେ ବନ୍ଧୁକ, ଏଆଇ ଏବଂ ଅନ୍ୟାନ୍ୟ ଜିନିଷ ମଧ୍ୟ ଏନକାଉଣ୍ଟରରେ ବହୁତ ପ୍ରଭାବଶାଳୀ । ଏଥର ଖାନୟାର ଏନକାଉଣ୍ଟରରେ ମଧ୍ୟ ସମାନ ଘଟଣା ଘଟିଥିଲା, ଯେଉଁଠାରେ ବିସ୍କୁଟ କାରଣରୁ ସେନା ମିଶନରେ ବଡ ସଫଳତା ପାଇଥିଲା ।
ସିଆରପିଏଫ୍ ଏବଂ ଜମ୍ମୁ-କଶ୍ମୀର ପୁଲିସ ଶନିବାର ଶ୍ରୀନଗରସ୍ଥିତ ଖାନ୍ୟାର ଅଞ୍ଚଳରେ ଦିନ ତମାମ ଏକ ମିଳିତ ଅପରେଶନ୍ରେ ପାକିସ୍ତାନୀ ଆତଙ୍କବାଦୀ ସଙ୍ଗଠନ ଲଶ୍କର-ଇ-ତୋଇବା (ଏଲ୍ଇଟି)ର ଟପ୍ କମାଣ୍ଡର ଉସ୍ମାନ୍ଙ୍କୁ ନିପାତ କରିଥିଲେ। ଏଥିସହ ଏନ୍କାଉଣ୍ଟରରେ ଆଉ ଦୁଇ ଜଣ ଆତଙ୍କବାଦୀ ମଧ୍ୟ ନିହତ ହୋଇଥିଲେ। ତେବେ ଏହି ଅପରେସନ୍ ସେନାକୁ ବଡ଼ ସହାୟତା କରିଥିଲା ବିସ୍କୁଟ୍ ।
ବରିଷ୍ଟ ଅଧିକାରୀମାନେ ଆତଙ୍କବାଦୀ ସଙ୍ଗଠନ ଲଶ୍କର-ଇ-ତୋଇବାର କମାଣ୍ଡର ଉସ୍ମାନ ବିରୋଧରେ କରାଯାଇଥିବା ଅପରେସ୍ରେ ବେଶ୍ ଯତ୍ନବାନ ଥିଲେ। ବୁଲା କୁକୁରମାନେ ଯେପରି ଏହି ଅପରେସନ୍?ରେ ବାଧା ସୃଷ୍ଟି ନ କରନ୍ତି ସେଥିପାଇଁ ସେମାନେ ବିସ୍କୁଟର ସାହାଯ୍ୟ ନେଇଥିଲେ। ଦୀର୍ଘ ୯ ଘଣ୍ଟା ଧରି ଏହି ଅପରେସନ୍ ଚାଲିଥିଲା। ବୁଲା କୁକୁରମାନେ ଯବାନଙ୍କୁ ଦେଖି ଭୁକିପାରନ୍ତି ବୋଲି ଅନୁମାନ କରି ସେମାନଙ୍କୁ ଶାନ୍ତ କରିବା ପାଇଁ ବିସ୍କୁଟ୍ ଖାଇବାକୁ ଦିଆଯାଇଥିଲା। କୁକୁର ବିସ୍କୁଟ୍ ଖାଉଥିବାବେଳେ ଯବାନମାନେ ପ୍ରାୟ ୩୦ଟି ଘରକୁ ଘେରିଯାଇ ଅପରେସନ୍ ଚଳାଇଥିଲେ ଏବଂ ଶେଷରେ ସଫଳ ହୋଇଥିଲେ। ଆତଙ୍କବାଦୀଙ୍କୁ ହତ୍ୟା କରିଥିଲେ।
ଉସମାନ ଜଣେ କୁଖ୍ୟାତ ଆତଙ୍କବାଦୀ ଥିଲା। ୨୦୦୦ ମସିହାରୁ ଜମ୍ମୁ କଶ୍ମୀରରେ ସକ୍ରିୟ ଥିଲା। ସେ ଉପତ୍ୟକା ଅଞ୍ଚଳକୁ ଭଲଭାବେ ଜାଣିଥିଲା। ସେ ଘାଟିରେ ଘଟିଥିବା ଅନେକ ଆତଙ୍କବାଦୀ କାର୍ଯ୍ୟକଳାପରେ ଲିପ୍ତ ଥିଲା। ତେବେ ପାକିସ୍ତାନରେ କିଛି ସମୟ ବିତାଇବା ପରେ ୨୦୧୬-୧୭ ମସିହାରେ ପୁଣି ଜମ୍ମୁ-କଶ୍ମୀରରେ ସେ ଅନୁପ୍ରବେଶ କରିଥିଲା। ଗତ ବର୍ଷ ପୁଲିସ ସବ୍-ଇନ୍ସପେକ୍ଟର ମସରୁର ୱାନୀଙ୍କୁ ଗୁଳି କରି ହତ୍ୟା କରିବା ମାମଲାରେ ସେ ମଧ୍ୟ ସମ୍ପୃକ୍ତ ଥିଲା।
