ଦିଲ୍ଲୀରୁ ଇସ୍ରାଏଲ ଯାଉଥିବା ବିମାନକୁ କରାଗଲା ଡାଇଭର୍ଟ
ନୂଆଦିଲ୍ଲୀ: ନୂଆଦିଲ୍ଲୀରୁ ଇସ୍ରାଏଲର ତେଲ ଅଭିଭ ଯାଉଥିବା ଏୟାର ଇଣ୍ଡିଆର ବିମାନକୁ ଆବୁଧାବିକୁ ଡାଇଭର୍ଟ କରାଯାଇଛି । ପ୍ରକୃତରେ, ବିମାନ ଅବତରଣ କରିବାର କିଛି ସମୟ ପୂର୍ବରୁ, ତେଲ ଅଭିଭ ବିମାନବନ୍ଦର ନିକଟରେ ଏକ କ୍ଷେପଣାସ୍ତ୍ର ଆକ୍ରମଣ ହୋଇଥିଲା। କୁହାଯାଉଛି ଯେ ଏହି ଆକ୍ରମଣ ୟେମେନରୁ କରାଯାଇଥିଲା। ଏୟାର ଇଣ୍ଡିଆର ବିମାନ ଏଆଇ୧୩୯ ତେଲ ଅଭିଭରେ ଅବତରଣ କରିବା ପାଇଁ ଆଉ ଗୋଟିଏ ଘଣ୍ଟାରୁ କମ୍ ସମୟ ବାକି ଥିଲା। ତେବେ ୟେମେନ ପକ୍ଷରୁ ଏକ କ୍ଷେପଣାସ୍ତ୍ର ବିମାନବନ୍ଦର ନିକଟରେ ମାଡ କରାଯାଇଥିଲା । ତେବେ ଏହି ସମୟରେ ଏୟାର ଇଣ୍ଡିଆ ବିମାନ ଜୋର୍ଡାନ ଆକାଶ ସୀମାରେ ଥିଲା। ଏହା ପରେ ଏହାକୁ ଡାଇଭର୍ଟ କରାଯାଇଥିଲା |
ଅନ୍ୟପଟେ କ୍ଷେପଣାସ୍ତ୍ର ଆକ୍ରମଣ ଯୋଗୁଁ ରବିବାର ତେଲ ଅଭିଭରୁ ଦିଲ୍ଲୀ ଆସିବାକୁ ଥିବା ଏୟାର ଇଣ୍ଡିଆର ବିମାନକୁ ବାତିଲ କରାଯାଇଛି। ଏୟାର ଇଣ୍ଡିଆ ପକ୍ଷରୁ ଏକ ବିବୃତ୍ତି ଜାରି କରାଯାଇଛି। ୟେମେନରୁ ନିକ୍ଷେପ କରାଯାଇଥିବା ଏକ କ୍ଷେପଣାସ୍ତ୍ର ତେଲ ଅଭିଭ ବିମାନବନ୍ଦର ନିକଟରେ ପଡ଼ିବା ପରେ ତେଲ ଅଭିଭ ବିମାନବନ୍ଦରକୁ ବିମାନ ଚଳାଚଳ କିଛି ସମୟ ପାଇଁ ବନ୍ଦ ରହିଥିଲା।
ଏୟାର ଇଣ୍ଡିଆର ଜଣେ ମୁଖପାତ୍ର କହିଛନ୍ତି, ‘ଆଜି ସକାଳେ ବେନ୍ ଗୁରିଅନ୍ ବିମାନବନ୍ଦରରେ ଏହି ଘଟଣା ପରେ ୪ ମଇ ୨୦୨୫ରେ ଦିଲ୍ଲୀରୁ ତେଲ ଅଭିଭ ଯାଉଥିବା ଏୟାର ଇଣ୍ଡିଆର ବିମାନକୁ ଆବୁଧାବିକୁ ଡାଇଭର୍ଟ କରାଯାଇଥିଲା।’ ବିମାନଟି ଆବୁଧାବିରେ ସ୍ୱାଭାବିକ ଭାବରେ ଅବତରଣ କରିଛି ଏବଂ ଶୀଘ୍ର ଦିଲ୍ଲୀ ଫେରିବ। ତଥାପି, ଆମର ଗ୍ରାହକ ଏବଂ କର୍ମଚାରୀଙ୍କ ସୁରକ୍ଷା ସୁନିଶ୍ଚିତ କରିବା ପାଇଁ, ତେଲ ଅଭିଭରୁ ଆମର ବିମାନ ଚଳାଚଳ ତୁରନ୍ତ ପ୍ରଭାବ ସହିତ ମେ ୬, ୨୦୨୫ ପର୍ଯ୍ୟନ୍ତ ସ୍ଥଗିତ ରଖାଯିବ।
