ଦୁଇ ହାତରେ ଘଣ୍ଟା ପିନ୍ଧି ଟ୍ରୋଲ୍ର ଶୀକାର ହେଲେ ଅଭିଷେକ
ମୁମ୍ବାଇ: ବ୍ୟକ୍ତିଗତ ହେଉ କି ବୃତ୍ତିଗତ କାରଣକୁ ନେଇ ଅଧିକାଂଶ ସମୟ ଚର୍ଚ୍ଚାରେ ରହିଥାନ୍ତି ବଲିଉଡ୍ ଅଭିନେତା ଅଭିଷେକ ବଚ୍ଚନ। ଏବେ ତାଙ୍କର ବ୍ୟକ୍ତିଗତ ଷ୍ଟାଇଲକୁ ନେଇ ଚର୍ଚ୍ଚାକୁ ଆସିଛନ୍ତି । ହେଲେ ଅଧିକାଂଶ ଲୋକ ଜାଣି ନ ଥିବେ ଅଭିଷେକ ତାଙ୍କ ଦୁଇ ହାତରେ ଘଣ୍ଟା ପିନ୍ଧିଥାନ୍ତି । ନିକଟରେ ସେ ଦୁଇ ହାତରେ ପିନ୍ଧିଥିବା ଘଣ୍ଟାକୁ ନେଇ ଚର୍ଚ୍ଚା ଆରମ୍ଭ ହୋଇଯାଇଛି। ଏହାର ଏକ ଭିଡ଼ିଓ ଏବେ ସୋସିଆଲ ମିଡ଼ିଆରେ ଖୁବ୍ ଭାଇରାଲ ହେବାରେ ଲାଗିଛି । ଯାହାକୁ ଦେଖି ଲୋକେ ଆଶ୍ଚର୍ଯ୍ୟ ହେବା ସହ ଭିନ୍ନ ଭିନ୍ନ ପ୍ରତିକ୍ରିୟା ଦେବାକୁ ପଛାଇ ନାହାନ୍ତି ।
ଭାଇରାଲ ହେଉଥିବା ଭିଡିଓରେ ଦେଖିବାକୁ ମିଳିଛି ଯେ, ଅଭିଷେକ ଦୁଇଟି ହାତରେ ଘଡ଼ି ପିନ୍ଧିଥିବାର ନଜର ଆସିଛନ୍ତି। ଅଭିଷେକ ଯେତେବେଳେ ତାଙ୍କର ଦୁଇଟି ହାତକୁ ଯୋଡ଼ି ନମସ୍କାର କରିଛନ୍ତି ତ ଦୁଇ ହାତରେ ଥିବା ଦୁଇଟି ଘଣ୍ଟା ଦର୍ଶକଙ୍କ ଦୃଷ୍ଟି ଆକର୍ଷଣ କରିଛି। ଏହାକୁ ନେଇ ସୋସିଆଲ୍ ମିଡିଆ ବ୍ୟବହାରକାରୀମାନେ ଭିନ୍ନ ଭିନ୍ନ ମତ ରଖିଛନ୍ତି। ଅନେକ ପ୍ରଶଂସକ ଥଟ୍ଟା କରି କହିଛନ୍ତି ଯେ, ଗୋଟିଏ ହାତରେ ଘଣ୍ଟା ମାଆ ବାନ୍ଧିଥିବା ବେଳେ ଅନ୍ୟ ହାତରେ ପତ୍ନୀ ବାନ୍ଧିଥିବେ । ସେହିପରି ଆଉ କେତେକ ବ୍ୟବହାରକାରୀ ସଂପୂର୍ଣ୍ଣ ଭିନ୍ନ ମନ୍ତବ୍ୟ ବି ଦେଇଛନ୍ତି। ଜଣେ ବ୍ୟବହାରକାରୀ ଲେଖିଛନ୍ତି, ‘‘ସମୟର କିବା ଭରସା?’’ ସେହିପରି ଅନ୍ୟ ଜଣେ ଲେଖିଛନ୍ତି, ‘‘ଦୁଇ ଦୁଇଟି ଘଣ୍ଟା; ତା’ପରେ ବି ସମୟ ଖରାପ ଚାଲୁଛି।’’ ତେବେ ବହୁ ସଂଖ୍ୟକ ବ୍ୟବହାରକାରୀ ଅଭିଷେକଙ୍କର ପ୍ରଶଂସା ମଧ୍ୟ କରିଛନ୍ତି। ଅଭିଷେକ ଜଣେ ଉଚ୍ଚକୋଟିର ଅଭିନେତା ବୋଲି ପ୍ରଶଂସକମାନେ ମତ ରଖିଛନ୍ତି।
