ମଝି ଆକାଶରେ ମୁହାଁମୁହିଁ ଧକ୍କା: ୩ ମୃତ

ସିଡନୀ: ମଝି ଆକାଶରେ ମୁହାଁମୁହିଁ ଧକ୍କା ହୋଇଛି ବିମାନ । ଫଳରେ ୩ ଜଣଙ୍କର ମୃତ୍ୟୁ ହୋଇଛି । ଅଷ୍ଟ୍ରେଲିଆର ସିଡନୀ ସହରରେ ଏହି ଭୟଙ୍କର ଦୁର୍ଘଟଣା ଘଟିଛି। ମଝି ଆକାଶରେ ଦୁଇଟି ବିମାନ ମଧ୍ୟରେ ମୁହାଁମୁହିଁ ଧକ୍କା ହୋଇଛି। ଶନିବାର ସିଡନୀର ଦକ୍ଷିଣ-ପଶ୍ଚିମ ଅଞ୍ଚଳରେ ଦୁଇଟି ବିମାନ ମଧ୍ୟରେ ଏକ ବଡ଼ ଧକ୍କା ହୋଇଛି। ଏହି ଘଟଣା ବିଷୟରେ ସୂଚନା ପାଇବା ପରେ ଜରୁରୀକାଳୀନ ସେବା ଦଳଙ୍କୁ ସକ୍ରିୟ କରାଯାଇଥିଲା ।

ଶନିବାର ପୂର୍ବାହ୍ନ ପ୍ରାୟ ୧୧ଟା ୫୦ ସମୟରେ ଓକଡେଲର ବେଲିମ୍ବାଲା ପାର୍କ ନିକଟରେ ଏହି ବିମାନ ଦୁର୍ଘଟଣା ଘଟିଛି ବୋଲି ଏନଏସଡବ୍ଲୁ ପୋଲିସ ନିଶ୍ଚିତ କରିଛି। ଜିନହୁଆ ନ୍ୟୁଜ୍ ଏଜେନ୍ସି, ନ୍ୟୁ ସାଉଥ ୱେଲ୍ସ ପୋଲିସ, ଅଗ୍ନିଶମ ଏବଂ ଉଦ୍ଧାରକାରୀଙ୍କ ଅନୁଯାୟୀ, ଏନଏସଡବ୍ଲୁ ଆମ୍ବୁଲାନ୍ସ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛି। ଘଟଣାସ୍ଥଳରୁ ଦୂରରେ ରହିବାକୁ ଲୋକଙ୍କୁ ଅନୁରୋଧ କରାଯାଇଛି ବୋଲି ଏନଏସଡବ୍ଲୁ ପୋଲିସ କହିଛି।