ତେଜସ୍ବୀଙ୍କ ସହ ବିବାହ ହେବା ନେଇ ଚର୍ଚ୍ଚା ହେବାରୁ ରାଗିଗଲେ କରଣ
ମୁମ୍ବାଇ: ବଲିଉଡ୍ କଳାକାର କରଣ କୁନ୍ଦ୍ରା ଏବଂ ତେଜସ୍ୱୀ ପ୍ରକାଶ ଟିଭି ଇଣ୍ଡଷ୍ଟ୍ରିର ଲୋକପ୍ରିୟ ଯୋଡ଼ିମାନଙ୍କ ମଧ୍ୟରୁ ଜଣେ। ପ୍ରଶଂସକମାନେ ଏହି ଯୋଡ଼ିକୁ ବହୁତ ପସନ୍ଦ କରନ୍ତି। ଗତ କିଛି ଦିନ ଧରି ଏହି ଦମ୍ପତି ସେମାନଙ୍କ ବିବାହକୁ ନେଇ ଚର୍ଚ୍ଚାରେ ଅଛନ୍ତି। ଏବେ ଏପରି ଖବର ଆସୁଛି ଯେ, କରଣ ଏକ ନେଟଫ୍ଲିକ୍ସ ସୋ’ ସମୟରେ ତେଜସ୍ୱୀ ପ୍ରକାଶଙ୍କ ସହ ନିର୍ବନ୍ଧ କରିପାରନ୍ତି। ଏସବୁ ଚର୍ଚ୍ଚା ମଧ୍ୟରେ ଅଭିନେତା ନିଜର ନୀରବତା ଭାଙ୍ଗିଛନ୍ତି ଏବଂ ଗୁଜବ ପ୍ରଚାର କରୁଥିବା ଲୋକଙ୍କ ଉପରେ ବିରକ୍ତ ହୋଇଛନ୍ତି।
କରଣ କୁନ୍ଦ୍ରା ତାଙ୍କ ଏକ୍ସ ଆକାଉଣ୍ଟରେ ଏକ ପୋଷ୍ଟ ସେୟାର କରିଛନ୍ତି, ଯେଉଁଥିରେ ସେ ଲେଖିଛନ୍ତି, “ପ୍ରିୟ ନୂତନ ଯୁଗର ଖବରକାଗଜ ସାଥୀଗଣ, ମୁଁ ମୋ ବିବାହ ଖବର ପଢ଼ି ପଢ଼ି କ୍ଳାନ୍ତ ହୋଇଗଲିଣି। ଯେହେତୁ ମୁଁ ଦୁବାଇରେ ଅଛି, ମୁଁ ସୋ’ରେ ମୋର ନିର୍ବନ୍ଧ ଘୋଷଣା କରିବି। ସମ୍ଭବତଃ ଏପରି ଖବର ଆପଣଙ୍କୁ ଭଲ ଟିଆରପି ଦେଉଛି ଏବଂ ଏହି ଖବର ଆପଣଙ୍କର ପ୍ରାଥମିକତା ପାଲଟିଛି। କିନ୍ତୁ ଆପଣଙ୍କ ମଧ୍ୟରୁ ଅନେକ, ମୋଠାରୁ ଏବଂ ମୋର ଏଜେଣ୍ଟଙ୍କଠାରୁ କେବଳ ଗୋଟିଏ ଫୋନ୍ କଲ୍ ଦୂରରେ ଅଛନ୍ତି। ଏପରି ଖବର ପ୍ରସାର କରିବା ପୂର୍ବରୁ ଆପଣମାନେ ଥରେ କଥା ହେବା ଉଚିତ। ଏହା ଟିକେ ଅତ୍ୟଧିକ ହୋଇଗଲାଣି। ମୁଁ ଚାହୁଁଛି ଯେ, ତୁମେମାନେ ମୋତେ ମୋର ବିବାହ, ନିର୍ବନ୍ଧ, ବ୍ରେକ୍ଅପ, ପିଲା, ବିଷୟରେ ଘୋଷଣା କରିବାକୁ ଦିଅ।”
