‘କେଶରୀ ଚାପ୍ଟର ୨’; ଟ୍ରେଲରକୁ ପ୍ରଶଂସା କଲେ ଅଭିନେତା ଅଜୟ ଦେବଗନ
ନୂଆଦିଲ୍ଲୀ: ଅକ୍ଷୟ କୁମାରଙ୍କ ବହୁ ପ୍ରତୀକ୍ଷିତ ଫିଲ୍ମ ‘କେଶରୀ ଚାପ୍ଟର ୨’ର ଟ୍ରେଲର ରିଲିଜ ହୋଇଛି। ଦିଲ୍ଲୀରେ ଏକ ସାମ୍ବାଦିକ ସମ୍ମିଳନୀ ସମୟରେ ଏହାକୁ ଉନ୍ମୋଚନ କରାଯାଇଥିଲା। ଏହି ଅବସରରେ ଫିଲ୍ମର ସମ୍ପୂର୍ଣ୍ଣ ଷ୍ଟାରକାଷ୍ଟଙ୍କ ସହିତ ଫିଲ୍ମର ମୁଖ୍ୟ ନାୟକ ଅକ୍ଷୟ କୁମାର ମଧ୍ୟ ଉପସ୍ଥିତ ଥିଲେ।
ଏହି ଫିଲ୍ମରେ ଅକ୍ଷୟ କୁମାର ଓକିଲ ସି ଶଙ୍କରନ୍ ନାୟାରଙ୍କ ଭୂମିକାରେ ଅଭିନୟ କରୁଛନ୍ତି। ‘କେଶରୀ ୨’ ଫିଲ୍ମର ଟ୍ରେଲର ଦେଖିବା ପରେ ଅନେକ ସୋସିଆଲ ମିଡିଆ ୟୁଜର୍ସ ଅକ୍ଷୟ କୁମାରଙ୍କ ଖୁବ୍ ପ୍ରଶଂସା କରିଛନ୍ତି। ଜଣେ ୟୁଜର୍ସ ଲେଖିଛନ୍ତି, ‘ଏହା ବଲିଉଡ୍ ଫିଲ୍ମ ପରି ଦେଖାଯାଉନାହିଁ।’ ଫିଲ୍ମର ଚରିତ୍ରଗୁଡ଼ିକ ଚମତ୍କାର ଅଭିନୟ କରିଛନ୍ତି। ଏହା ସହିତ ଶଙ୍କରନ୍ ନାୟାର ଭୂମିକାରେ ଅଭିନୟ କରିବା ପାଇଁ ଅକ୍ଷୟଙ୍କ ଠାରୁ ଭଲ ଅଭିନେତା ଆଉ କେହି ହୋଇପାରିବେ ନାହିଁ।
ଅଜୟ ଦେବଗନ ତାଙ୍କ ଇନଷ୍ଟାଗ୍ରାମ ପେଜରେ ‘କେଶରୀ ୨’ର ଟ୍ରେଲର ସେୟାର କରିଛନ୍ତି। ଏହା ସହିତ ସେ ଲେଖିଛନ୍ତି, ‘ଭଗତ ସିଂହଙ୍କ ଲଢ଼େଇ, ସଂଘର୍ଷ ରାସ୍ତାରେ ଥିଲା, ଏହି ଲଢ଼େଇ କୋର୍ଟ ରୁମରେ।’ ଏହି ଦୁଇଟି ଘଟଣା ଇତିହାସକୁ ବଦଳାଇ ଦେଇଥିଲା। ‘କେଶରୀ ୨’ ପାଇଁ ମୋର ବନ୍ଧୁ ଅକ୍ଷୟ କୁମାର ଏବଂ ପୂରା ଟିମକୁ ଅଭିନନ୍ଦନ।
‘କେଶରୀ ଚାପ୍ଟର ୨’ ଫିଲ୍ମଟି ଜାଲିଆନାୱାଲାବାଗ ଘଟଣା ଉପରେ ଆଧାରିତ। ଫ୍ୟାନ୍ସ ଏହି ଫିଲ୍ମର ଟ୍ରେଲରକୁ ବହୁତ ପସନ୍ଦ କରିଛନ୍ତି। ଏହା ସହିତ ଆର ମାଧବନଙ୍କ ବହୁତ ପ୍ରଶଂସା କରୁଛନ୍ତି। ଏହି ଦୁଇଜଣଙ୍କ ବ୍ୟତୀତ ଅନନ୍ୟା ପାଣ୍ଡେ ମଧ୍ୟ ଏହି ସିନେମାରେ ଅଛନ୍ତି। ଫିଲ୍ମରେ ଜାଲିଆନାୱାଲା ବାଗ ଘଟଣା କିପରି ଘଟିଥିଲା ତାହା ଦର୍ଶାଯାଇଥିବା ବେଳେ ୧୮ ଏପ୍ରିଲ୍ ୨୦୨୫ରେ ବଡ ପରଦାକୁ ଆସିବ।
