ରୁଦ୍ର ଅବତାରରେ ନଜର ଆସିଲେ ପ୍ରଭାସ
ମୁମ୍ବାଇ: କଳ୍କି ୨୮୯୮ ଏଡିର ସଫଳତା ପରେ, ପ୍ରଭାସ ପୁଣି ଥରେ ତାଙ୍କ ପ୍ରଶଂସକଙ୍କ ହୃଦୟ ଜିତିବାକୁ ପ୍ରସ୍ତୁତ। ଏବେ ପ୍ରଭାସ ‘କନ୍ନପ୍ପା’ରେ ନଜର ଆସିବେ। ଏହି ଫିଲ୍ମରେ ପ୍ରଭାସଙ୍କ ଫାଷ୍ଟ ଲୁକ୍ ସେୟାର କରାଯାଇଛି। ଯେଉଁଥିରେ ସେ ରୁଦ୍ର ଅବତାରରେ ନଜର ଆସିଛନ୍ତି। ପ୍ରଭାସଙ୍କ ଲୁକ୍ ପ୍ରଶଂସକମାନଙ୍କୁ ବହୁତ ପ୍ରଭାବିତ କରୁଛି।
ପ୍ରଭାସ ତାଙ୍କ ଲୁକର ପୋଷ୍ଟର ସୋସିଆଲ ମିଡିଆରେ ସେୟାର କରିଛନ୍ତି। ପ୍ରଥମ ଲୁକ୍ ସେୟାର କରିବା ସମୟରେ ସେ ଲେଖିଛନ୍ତି – ଓମ୍ ଦିବ୍ୟ ସଂରକ୍ଷକ ରୁଦ୍ର ଓମ୍। ଏହି ଚଳଚ୍ଚିତ୍ରଟି ୨୫ ଏପ୍ରିଲରେ ମୁକ୍ତିଲାଭ କରିବ।
ପ୍ରଭାସଙ୍କ ରୁଦ୍ର ଲୁକ୍ ବିଷୟରେ କହିବାକୁ ଗଲେ, ସେ ଲମ୍ବା କେଶ, କପାଳରେ ତ୍ରିପୁଣ୍ଡ ଏବଂ ବେକରେ ରୁଦ୍ରାକ୍ଷ ମାଳା ପିନ୍ଧିଥିବାର ଦେଖାଯାଉଛି। ପ୍ରଭାସଙ୍କ ଲୁକ୍ ଦେଖିବା ପରେ ପ୍ରଶଂସକମାନେ ତାଙ୍କୁ ପ୍ରଶଂସା କରୁଛନ୍ତି।
ଆପଣଙ୍କୁ କହି ରଖୁଛୁ ଯେ କିଛି ଦିନ ପୂର୍ବରୁ ଅକ୍ଷୟ କୁମାର କନ୍ନପ୍ପା ଫିଲ୍ମର ତାଙ୍କର ଲୁକ୍ ସେୟାର କରିଥିଲେ। ଯେଉଁଥିରେ ଅକ୍ଷୟଙ୍କୁ ଶିବଙ୍କ ଅବତାରରେ ଦେଖିବାକୁ ମିଳିଥିଲା। ସେ ହାତରେ ତ୍ରିଶୂଳ ଏବଂ ଡମରୁ ଧରିଥିଲେ। ତାଙ୍କୁ କପାଳରେ ଭସ୍ମ ଏବଂ ବେକରେ ରୁଦ୍ରାକ୍ଷ ମାଳା ପିନ୍ଧିଥିବାର ଦେଖାଯାଇଥିଲା। ଅକ୍ଷୟଙ୍କ ଏହି ଲୁକ୍ ମଧ୍ୟ ବହୁତ ପସନ୍ଦ ଆସିଥିଲା।
ରିପୋର୍ଟ ଅନୁସାରେ, ଏହି ଫିଲ୍ମରେ ଅକ୍ଷୟ ଏବଂ ପ୍ରଭାସଙ୍କ ସହିତ କାଜଲ ଅଗ୍ରୱାଲ ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ। ଅକ୍ଷୟ ଏବଂ ପ୍ରଭାସଙ୍କ ଲୁକ୍ ପ୍ରକାଶ ପାଇଛି, ଏବେ ପ୍ରଶଂସକମାନେ କାଜଲଙ୍କ ଲୁକ୍ ପାଇଁ ଅପେକ୍ଷା କରିଛନ୍ତି। ଏହା ଏକ ତେଲୁଗୁ ପୌରାଣିକ ଚଳଚ୍ଚିତ୍ର ଯାହା ମୁକେଶ କୁମାର ସିଂହ ଏବଂ ମୋହନ ବାବୁଙ୍କ ଦ୍ୱାରା ନିର୍ଦ୍ଦେଶିତ। ଏହି ଫିଲ୍ମ ଜରିଆରେ ଅକ୍ଷୟ କୁମାର ତେଲୁଗୁ ଇଣ୍ଡଷ୍ଟ୍ରିରେ ଡେବ୍ୟୁ କରିବାକୁ ଯାଉଛନ୍ତି।
