ଫିଲିସ୍ତାନୀ ବ୍ୟାଗ ଧରି ସଂସଦ ଆସିଲେ ପ୍ରିୟଙ୍କା
ନୂଆଦିଲ୍ଲୀ: ଫିଲିସ୍ତାନୀ ପ୍ରତି କଂଗ୍ରେସର କେତେ ଭଲପାଇବା ପୁଣି ଥରେ ଏହାର ଝଲକ ଦେଖିବାକୁ ମିଳିଛି । ଏବେ ୱାୟାନଡ ସାଂସଦ ପ୍ରିୟଙ୍କା ଗାନ୍ଧୀଙ୍କ ଏକ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି । ଯେଉଁଥିରେ ତାଙ୍କୁ ଫିଲିସ୍ତ।।ନୀ ଲେଖାଥିବା ଏକ ବ୍ୟାଗ କାନ୍ଧରେ ପକାଇଥିବା ଦେଖିବାକୁ ମିଳୁଛି । ଏଥିରୁ ଫିଲିସ୍ତାନୀ ପ୍ରତି କଂଗ୍ରେସର ଭଲପାଇବା ସ୍ପଷ୍ଟ ବାରି ହୋଇ ପଡ଼ିଛି । ପ୍ରିୟଙ୍କାଙ୍କ ଏହି ଫିଲିସ୍ତାନୀ ବ୍ୟାଗକୁ ନେଇ ରାଜନୈତିକ ଲଢ଼େଇ ଆରମ୍ଭ ହୋଇଛି ।
ନିକଟରେ କଂଗ୍ରେସ ସାଂସଦ ପ୍ରିୟଙ୍କା ଗାନ୍ଧୀ ଏକ ବ୍ୟାଗ କାନ୍ଧରେ ପକାଇ ସଂସଦରେ ପହଞ୍ଚିଥିଲେ । ଉକ୍ତ ବ୍ୟାଗ୍ରେ ଫିଲିସ୍ତାପନୀ ଉଲ୍ଲେଖ ରହିଛି । ଏହାକୁ ନେଇ ବିଜେପି ପ୍ରିୟଙ୍କା ଗାନ୍ଧୀଙ୍କୁ ଆକ୍ଷେପ କରିଛି । କେନ୍ଦ୍ର ମନ୍ତ୍ରୀ ଏସପି ସିଂ ବଘେଲ କହିଛନ୍ତି ଯେ, ପ୍ରିୟଙ୍କା ମୁସଲିମ ଭୋଟର ଅନ୍ତୁଷ୍ଟି କାରଣରୁ ଫିଲିସ୍ତାନୀ ଲେଖାଥିବା ବ୍ୟାଗ ନେଇ ସଂସଦରେ ପହଞ୍ଚିଥିଲେ । ପ୍ରିୟଙ୍କା ଗାନ୍ଧୀ ଫିଲିସ୍ତାନୀକୁ ସମର୍ଥନ କରିବା ଏହା ପ୍ରଥମ ଘଟଣା ନୁହେଁ । ସେ ନିକଟରେ ଭାରତ ଗସ୍ତରେ ଆସିଥିବା ଫିଲିସ୍ତାନୀ ରାଷ୍ଟ୍ରଦୂତ ଆବେଦ ଏଲ୍ରାଜେଜ ଆବୁ ଜାଜରଙ୍କୁ ଭେଟିଥିଲେ । ଫିଲିସ୍ତାନୀ ରାଷ୍ଟ୍ରଦୂତ ପ୍ରିୟଙ୍କାଙ୍କୁ ୱାୟାନାଡ ଲୋକସଭା ନିର୍ବାଚନରେ ବିଜୟ ହୋଇଥିବାରୁ ଅଭିନନ୍ଦନ ଜଣାଇଥିଲେ ।
