ଟାଇଗରଙ୍କ ସହ ସ୍କ୍ରିନ୍ ସେୟାର କରିବେ ହରନାଜ
ମୁମ୍ବାଇ: ବଲିଉଡରେ ଏଣ୍ଟ୍ରି କରିବେ ବ୍ରହ୍ମାଣ୍ଡ ସୁନ୍ଦରୀ ହରନାଜ ସନ୍ଧୁ । ସେ ଅଭିନେତା ଟାଇଗର ଶ୍ରଫ୍ଙ୍କ ସ୍ମ୍ରିନ୍ ସେୟାର କରିବେ । ସେ ବହୁ ପ୍ରତୀକ୍ଷିତ ଫିଲ୍ମ ‘ବାଗି-୪’ ଜରିଆରେ ବଲିଉଡ୍ରେ ଏଣ୍ଟ୍ରି କରିବେ । ଏହି ଫିଲ୍ମକୁ ନେଇ ସେ ବହୁତ ଉତ୍ସାହିତ ଅଛନ୍ତି ।
ଏ. ହର୍ଷଙ୍କ ନିର୍ଦ୍ଦେଶିତ ଫିଲ୍ମ ବାଗୀ ୪ ରେ ଟାଇଗର ଶ୍ରଫ୍ ମୁଖ୍ୟ ଭୂମିକାରେ ଅଭିନୟ କରୁଛନ୍ତି । ତାଙ୍କର ନାୟିକା ସାଜିଛନ୍ତି ହରନାଜ ସନ୍ଧୁ । କିଛି ଦିନ ପୂର୍ବେ ଏହି ଫିଲ୍ମରେ ସଞ୍ଜୟ ଦତ୍ତଙ୍କ ଏଣ୍ଟ୍ରି ହୋଇଥିଲା। ଏଥିରେ ସଞ୍ଜୟ ଖଳନାୟକ ଭୂମିକାରେ ନଜର ଆସିବେ । ଏବେ ନିର୍ମାତା ସୋସିଆଲ ମିଡିଆରେ ଏକ ପୋଷ୍ଟର ସେୟାର କରି ହରନାଜଙ୍କ ଏଣ୍ଟ୍ରିରେ ମୋହର ମାରିଛନ୍ତି । ପୋଷ୍ଟ୍ରେ କ୍ୟାପ୍ସନ ରହିଛି ‘ମିସ୍ ୟୁନିଭର୍ସରୁ ବାଗି ୟୁନିଭର୍ସରେ ହରନାଜଙ୍କୁ ସ୍ୱାଗତ ।’ ଫିଲ୍ମ ଟିମ୍ ହରନାଜଙ୍କ ନାଁ ଦେଇଛନ୍ତି ରିବେଲ ଲେଡି । ହରନାଜ ଏହା ପୂର୍ବରୁ ୨୦୨୨ରେ ମୁକ୍ତିପ୍ରାପ୍ତ ପଞ୍ଜାବୀ ଫିଲ୍ମ ‘ବାଈ ଜୀ କୁଟୁଙ୍ଗେ’ ଓ ୨୦୨୩ରେ ମୁକ୍ତିପ୍ରାପ୍ତ ‘ୟାରାଂ ଦିୟାଂ ପୌ ବାରାଂ’ରେ ନଜର ଆସିଥିଲେ ।
ସାଜିଦ ନାଦିଆଦୱାଲାଙ୍କ ପ୍ରଯୋଜନାରେ ନିର୍ମାଣାଧୀନ ‘ବାଗି୪’ର ପୋଷ୍ଟରକୁ ଦର୍ଶକ ଖୁବ୍ ପସନ୍ଦ କରିଛନ୍ତି । ଏଥିରେ ଟାଇଗର ଶ୍ରଫ୍ଙ୍କ ଭୟଙ୍କର ଲୁକ୍ ଦେଖିବାକୁ ମିଳିଛି । ‘ବାଗି’ର ପ୍ରଥମ ଭାଗ ୨୦୧୬ ମସିହାରେ ରିଲିଜ୍ ହୋଇଥିଲା । ଏଥିରେ ଟାଇଗର ଶ୍ରଫ୍ ଓ ଶ୍ରଦ୍ଧା କପୁର ମୁଖ୍ୟ ଭୂମିକାରେ ଅଭିନୟ କରିଥିଲେ । ବକ୍ସ ଅଫିସ୍ରେ ଏହା ଭଲ ବ୍ୟବସାୟ ମଧ୍ୟ କରିଥିଲା । ଫିଲ୍ମର ୨ୟ ଭାଗ ୨୦୧୮ ଓ ୩ୟ ଭାଗ ୨୦୨୦ରେ ମୁକ୍ତିଲାଭ କରିଥିଲା । ୫ ବର୍ଷ ପରେ ୨୦୨୫, ସେପେ୍୍ଟମ୍ବର ୫ ତାରିଖରେ ‘ବାଗି୪’ ପରଦାକୁ ଆସିବ । ଏଥିରେ ଜିମି ଶେରଗିଲ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ । ହରନାଜ ୨୦୨୧ ମସିହାରେ ବିଶ୍ୱ ସୁନ୍ଦରୀର ମୁକୁଟ ପିନ୍ଧିଥିଲେ ।
