ଶବ ସତ୍କାର ବେଳେ ମହୁ ମାଛି ଆକ୍ରମଣ: ୪୦ ଆହତ

ଜୟପୁର: ଶବ ସତ୍କାର ବେଳେ ମହୁମାଛି ଆକ୍ରମଣ । ୪୦ ଜଣ ମହୁମାଛି ଆକ୍ରମଣର ଶିକାର ହୋଇଛନ୍ତି । ସେଥିମଧ୍ୟରୁ ୩ ଜଣ ଗୁରୁତର ହୋଇଥିବା ଜଣାଯାଇଛି । ସମସ୍ତଙ୍କୁ ବୈପାରିଗୁଡା ମେଡିକାଲରେ ଭର୍ତ୍ତି କରାଯାଇଛି । ବୈପାରିଗୁଡା ବ୍ଲକ ଗୌଡ଼ଗୁଡାରେ ଦେଖିବାକୁ ମିଳିଛି ଏଭଳି ଘଟଣା ।

ବୈପାରୀଗୁଡା କାଠମିଲ ସାହିର ୱାର୍ଡ ମେମ୍ବର ନରସିଂହ ମାଝୀଙ୍କ ପିତାଙ୍କ ଦେହାନ୍ତ ହୋଇଥିଲା । ଶବ ସତ୍କାର ପାଇଁ ସମ୍ପର୍କୀୟମାନେ ଗାଁ ନିକଟରେ ଥିବା ଶ୍ମଶାନକୁ ଯାଇଥିଲେ । ଏହି ସମୟରେ ସେଠାରେ ମହୁମାଛି ଆକ୍ରମଣର ଶିକାର ହୋଇଥିଲେ ଲୋକେ । ମହୁମାଛି ଆକ୍ରମଣରେ ପ୍ରାୟ ଚଳିଶି ଜଣ ଆହତ ଆହତ ହୋଇଛନ୍ତି । ବୈପାରୀଗୁଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଗୁରୁତର ଥିବା ୩ ଜଣଙ୍କ ଚିକିତ୍ସା ଚାଲିଥିବା ବେଳେ ଅନ୍ୟମାନଙ୍କୁ ପ୍ରାଥମିକ ଚିକିତ୍ସା ପରେ ଛାଡିଦିଆ ଯାଇଛି । ମେଡ଼ିକାଲରେ ସ୍ଥାନୀୟ ବ୍ଲକ ଅଧକ୍ଷ ପ୍ରଶାନ୍ତ କୁମାର ଗୁପ୍ତା ପହଂଚି ସ୍ଥିତ ଅନୁଧ୍ୟାନ କରୁଛନ୍ତି ।