ଚା’ ଛଣା, ଲାଇଟରରେ କରୱା ଚୌଥ ବ୍ରତ ପାଳନ କଲେ ଅଭିନେତ୍ରୀ
ମୁମ୍ବାଇ: ଚା’ ଛଣା, ଲାଇଟରରେ କରୱା ଚୌଥ ବ୍ରତ ପାଳନ କଲେ ଛୋଟପରଦାର ଜଣାଶୁଣା଼ ଅଭିନେତ୍ରୀ ପୂଜା ବାନାର୍ଜୀ । ଏହାର ଏକ ଭିଡ଼ିଓ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ଯାହାକୁ ନେଇ ସେ ଟ୍ରୋଲର ଶୀକାର ହୋଇଛନ୍ତି । ଅଭିନେତ୍ରୀଙ୍କ ଏପରି କାର୍ଯ୍ୟକଳାପକୁ ଲୋକେ ନାପସନ୍ଦ କରିଛନ୍ତି । ପବିତ୍ର ପର୍ବକୁ ଏପରି ମଜାକ କରିବା ଉଚିତ୍ ନୁହେଁ ବୋଲି ଅନେକ ମତ ରଖିଛନ୍ତି ।
ପ୍ରତ୍ୟେକ ବିବାହିତା ମହିଳା ସ୍ୱାମୀଙ୍କ ଦୀର୍ଘ ଜୀବନ କାମନା କରି କରୱା ଚୌଥ ପର୍ବ ପାଳନ କରିଥାଆନ୍ତି। ବଲିଉଡ ଠାରୁ ଆରମ୍ଭ କରି ଟେଲିଭିଜନ ଦୁନିଆ ପର୍ଯ୍ୟନ୍ତ କଳାକାରମାନେ ଏହି କରୱା ଚୌଥ ପର୍ବ ନିଷ୍ଠାର ସହିତ ପାଳନ କରୁଥିବା ଦେଖିବାକୁ ମିଳିଛି । ଯାହାର କିଛି ଫଟୋ ଓ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ସେହିପରି ନିକଟରେ ଛୋଟପରଦାର ଅଭିନେତ୍ରୀ ପୂଜା ବାନାର୍ଜୀ ନିଆରା ଢଙ୍ଗରେ କରୱା ଚୌଥ ବ୍ରତ ରଖିଥିବା ସମୟର ଫଟୋ ସେୟାର କରିଥିଲେ। ଯେଉଁଥିରେ ସେ କରଭା ଚାଉଳ ପୂଜା କରିଥିଲେ। ଅଭିନେତ୍ରୀଙ୍କ ଅଦ୍ଭୁତ ଉପାସନାକୁ ଦେଖି ସୋସିଆଲ ମିଡିଆ ବ୍ୟବହାରକାରୀ ନାପସନ୍ଦ କରିବା ସହ ଅଭିନେତ୍ରୀଙ୍କୁ ଟ୍ରୋଲ କରୁଛନ୍ତି।
