ଖାକି ବର୍ଦ୍ଦିରେ କରୱା ଚୌଥ ପାଇଁ ମେହେନ୍ଦୀ ଲଗାଇଲେ ପୋଲିସ
ଝାନ୍ସି: ଖାକି ବର୍ଦ୍ଦିରେ ସ୍ୱାମୀଙ୍କ ମଙ୍ଗଳ ମନାସିଲେ ମହିଳା ପୋଲିସ କର୍ମଚାରୀ । ଡ୍ୟୁଟି ଭିତରେ ଟିକିଏ ସମୟ ବାହାର କରି ଜଣେ ଜଣଙ୍କ ହାତରେ ଲଗାଇ ଦେଇଛନ୍ତି ମେହେନ୍ଦୀ । କରୱା ଚୌଥ ପାଇଁ ହାତରେ ମେହେନ୍ଦୀ ଲଗାଇଛନ୍ତି ଏହି ମହିଳା ପୋଲିସ କର୍ମଚାରୀ । ପୂରା ଉତ୍ସାହର ସହିତ କରୱା ଚୌଥ ବ୍ରତର ସମସ୍ତ ପ୍ରସ୍ତୁତି କରିଛନ୍ତି ଏମାନେ । ଏପରି ଏକ ନିଆରା ଦୃଶ୍ୟ ଦେଖିବାକୁ ମିଳିଛି ଉତ୍ତର ପ୍ରଦେଶର ଝାନ୍ସିରେ ।
ଝାନ୍ସିର ଏକ ଥାନାରେ କନଷ୍ଟେବଳ, ଏସ୍ଏଚ୍ଓ ଓ ଏସ୍ଏସ୍ଆଇ ସମସ୍ତେ ମିଶି ବ୍ରତ ପାଇଁ ହାତରେ ମେହେନ୍ଦୀ ଲଗାଇଛନ୍ତି । ମହିଳା ଥାନା ଅଧିକାରୀ କହିଛନ୍ତି, ଆମେ ପରିବାର ପରାମର୍ଶ କେନ୍ଦ୍ରରେ ଡ୍ୟୁଟି କରୁଥିଲୁ । ଏଠି ସମସ୍ତେ ବିବାହିତ । ଯେତେବେଳେ ଟିକେ ସମୟ ମିଳିଲା, ସମସ୍ତେ ହାତରେ ମେହେନ୍ଦୀ ଲଗାଇବା ଆରମ୍ଭ କଲୁ । ଆମେ ସମସ୍ତେ ପ୍ରଥମେ ନିଜ ଡ୍ୟୁଟିକୁ ପ୍ରାଥମିକତା ଦେଇଥାଉ । ଟିକିଏ ସମୟ ମିଳିବା ପରେ ଏହି ପ୍ରସ୍ତୁତି କଲୁ । ଡ୍ୟୁଟି ପରେ ଥାନାରେ ମେହେନ୍ଦୀ ଲଗାଇଲୁ । ଏହା ସହିତ ଉତ୍ସବ ମଧ୍ୟ ପାଳନ କରିବୁ ।
