ମର୍ମନ୍ତୁଦ ସଡ଼କ ଦୁର୍ଘଟଣା: ଚାଲିଗଲା ୧୧ ଜଣଙ୍କ ଜୀବନ

ଜୟପୁର: ରାଜସ୍ଥାନର ଧୋଲପୁରର ଏନଏଚ-୧୧ବି’ର ସୁନିପୁର ଗ୍ରାମ ନିକଟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ଫଳରେ ୧୧ ଜଣଙ୍କ ଜୀବନ ଚାଲିଯାଇଛି । ଏକ ବସ୍ ଏବଂ ଟେମ୍ପୋ ମଧ୍ୟରେ ମୁହାଁମୁହିଁ ଧକ୍କା ହୋଇଛି । ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚି ଆହତଙ୍କୁ ଉଦ୍ଧାର କରି ସ୍ଥାନୀୟ ହସପିଟାଲରେ ଭର୍ତ୍ତି କରିବା ସହ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ମୃତକମାନେ ହେଲେ ଆସମା(୧୪), ସଲମାନ(୮), ସାକିର(୬), ଦାନିଶ(୧୦), ଆଜାନ(୫), ଆଶିଆନା(୧୯), ସୁଖୀ (୭)ଏବଂ ସାନିଫ(୯) , ଜରିନା (୩୫), ଜୁଲି (୩୨) ଓ ଇରଫାନ(୩୮) । ଉଭୟ ଗାଡ଼ିକୁ ପୋଲିସ ଜବତ କରିଛି ।

ଟେମ୍ପୋ ଆରୋହୀ ବାଡି ସହରର ଗୁମାତ୍ ମୋହଲାର ବାସିନ୍ଦା । ବାରୁଲି ଗାଁରେ ଏକ କାର୍ଯ୍ୟକ୍ରମରେ ଯୋଗଦେବା ପରେ ସମସ୍ତେ ଫେରୁଥିଲେ। ଶନିବାର ରାତିରେ ସୁନିପୁର ଗ୍ରାମ ନିକଟରେ ଏକ ବସ୍ ସହ ଟେମ୍ପୋର ଧକ୍କା ହୋଇଥିଲା। ଦୁର୍ଘଟଣାର କାରଣ ନେଇ ପୋଲିସ ପକ୍ଷରୁ ତଦନ୍ତ ଜାରି ରହିଛି।