ରାଜ୍ୟ
ଭସାଣି ପାଇଁ ଆସୁଥିବା ବ୍ୟାଣ୍ଡ୍ପାର୍ଟି ଗାଡ଼ି ଓଲଟିଲା: ୫ ଆହତ
କାମାକ୍ଷାନଗର: ଓଲଟିଲା ଭସାଣି ପାଇଁ ଆସୁଥିବା ବ୍ୟାଣ୍ଡ୍ପାର୍ଟି ଗାଡ଼ି । ଫଳରେ ୫ରୁ ଅଧିକ ଆହତ ହୋଇଛନ୍ତି । ସେମାନଙ୍କ ମଧ୍ୟରୁ ୨ ଜଣଙ୍କ ଅବସ୍ଥା ଗୁରୁତର ରହିଛି । ଆହତମାନଙ୍କୁ ସ୍ଥାନୀୟ ଡ଼ାକ୍ତରଖାନାରେ ଭର୍ତ୍ତି କରାଯାଇଛି । ପରେ ଢେଙ୍କାନାଳ ହସପିଟାଲକୁ ସ୍ଥାନାନ୍ତର କରାଯାଇଛି ।
ଢେଙ୍କାନାଳ ଜିଲା କାମାକ୍ଷାନଗର ଭସାଣି ଯାତ୍ରାକୁ ମ୍ୟୁଜିକ୍ ପରିବେଷଣ ପାଇଁ ଆସୁଥିଲା ଏହି ବ୍ୟାଣ୍ଡପାର୍ଟି ଗାଡ଼ି । ଯାଜପୁର ଜିଲା ମଙ୍ଗଳପୁର ଅଞ୍ଚଳର ଶିବମ ମ୍ୟୁଜିକାଲ୍ ନାମକ ଗ୍ରୁପର ଟାଟାଏସି ଗାଡ଼ିଟି ରବିବାର ବିଳମ୍ବିତ ରାତିରେ ଡିଭାଇଡରରେ ପିଟି ହୋଇଯାଇଥିଲା । ଫଳରେ ମ୍ୟୁଜିକାଲ ଗ୍ରୁପ୍ର ୫ ଜଣ ଆହତ ଥିବାବେଳେ ସେଥିରୁ ୨ ଜଣ ଗୁରୁତର ଅଛନ୍ତି। ଡ୍ରାଇଭରଙ୍କ ଆଖି ଲାଗିଯିବା କାରଣରୁ ଗାଡ଼ିଟି ଡିଭାଇଡରରେ ପିଟି ହୋଇ ଓଲଟିଥିବା ଜଣାପଡିଛି। ଶିବମ ମ୍ୟୁଜିକାଲ୍ ଟିମ୍ କାମାକ୍ଷାନଗର ସହରର ରେକୁଳା ପୂଜା କମିଟି ପାଇଁ ଭସାଣି ଶୋଭାଯାତ୍ରା ନିମନ୍ତେ ଆସୁଥିବା ବେଳେ ଏହି ଅଘଟଣ ଘଟିଛି।
