ପୁଣି ୬୫ ବର୍ଷରେ ବିବାହ କଲେ ସଞ୍ଜୟ
ବମ୍ବେ: ବଲିଉଡର ‘ଖଳନାୟକ’ ସଞ୍ଜୟ ଦତ୍ତ ନିଜର ବ୍ୟକ୍ତିଗତ ଜୀବନକୁ ନେଇ ସବୁବେଳେ ଚର୍ଚ୍ଚାରେ ରହି ଆସିଥାନ୍ତି। ଏବେ ସେ ପୁଣି ୬୫ ବର୍ଷ ବୟସରେ ବିବାହ କରି ଚର୍ଚ୍ଚାକୁ ଆସିଛନ୍ତି । ନବରାତ୍ରୀ ଅବସରରେ ସେ ପୁଣିଥରେ ବିବାହ କରିଛନ୍ତି। ଏହାର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛିି,ଯାହାକୁ ଦେଖି ସିନେପ୍ରେମୀ ଆଶ୍ଚର୍ଯ୍ୟ ହୋଇଯାଇଛନ୍ତି ।
ସଞ୍ଜୟ ପ୍ରଥମେ ଋଚା ଶର୍ମାଙ୍କୁ ବିବାହ କରିଥିଲେ । ହେଲେ ୧୯୯୬ରେ ତାଙ୍କର ଦେହାନ୍ତ ହୋଇଯାଇଥିଲା। ଏହାର ୨ ବର୍ଷ ପରେ ସେ ମଡେଲ ରିୟା ପିଲ୍ଲାଇଙ୍କୁ ନିଜର ଜୀବନସାଥୀ କରିଥିଲେ। ହେଲେ ଏହି ବିବାହ ବେଶୀ ଦିନ ତିଷ୍ଠି ପାରି ନ ଥିଲା । ଶେଷରେ ୨୦୦୫ରେ ଉଭୟ ଅଲଗା ହୋଇଯାଇଥିଲେ । ୨୦୦୮ରେ ସଞ୍ଜୟ ଆଇଟମ୍ ଗର୍ଲ ମାନ୍ୟତାଙ୍କୁ ତୃତୀୟ ବିବାହ କରିଥିଲେ। ଉଭୟଙ୍କ ଯମଜ ସନ୍ତାନ ଅଛନ୍ତି। ହେଲେ ଏବେ ପୁଣି ହଠାତ ମାନ୍ୟତାଙ୍କ ସହ ବିବାହ କରୁଥିବା ଭିଡ଼ିଓ ଭାଇରାଲ ହେବାରେ ଲାଗିଛି । ଭିଡିଓରେ ସଞ୍ଜୟ ଧୋତି କୁର୍ତ୍ତା ପିନ୍ଧିଛନ୍ତି। ସେ ଓ ମାନ୍ୟତା ହୋମ ଚାରିପଟେ ବୁଲୁଥିବା ଦେଖିବାକୁ ମିଳିଛି । ଯାହାକୁ ଦେଖି ଏହା ପଛରେ କି କାରଣ ରହିଛି ତାହା ଜାଣିବାକୁ ପ୍ରଶଂସକଙ୍କ ଉତ୍କଣ୍ଠା ବଢ଼ିଛି।
ସଞ୍ଜୟ ୧୬ ବର୍ଷ ପରେ ପୁଣିଥରେ ପତ୍ନୀ ମାନ୍ୟତାଙ୍କୁ ବିବାହ କରିଛନ୍ତି। ରିପୋର୍ଟ ମୁତାବକ ଅଭିନେତାଙ୍କ ଘର ରିନୋଭେଶନ ଶେଷ ହେବା ପରେ ପୂଜା ରଖାଯାଇଥିଲା। ଏହି ମଉକାରେ ପତ୍ନୀ ମାନ୍ୟତାଙ୍କ ସହ ସେ ଚତୁର୍ଥ ଥର ବିବାହ କରିଛନ୍ତି।
