ନିଜ ଗୁଳିରେ ଆହତ ହେଲେ ଗୋବିନ୍ଦା

ମୁମ୍ବାଇ: ନିଜ ଗୁଳିରେ ଆହତ ହେଲେ ବଲିଉଡ଼ ଅଭିନେତା ଗୋବିନ୍ଦା । ତାଙ୍କ ଗୋଡ଼ରେ ଗୁଳି ବାଜିଛି। ନିଜ ଲାଇସେନ୍ସପ୍ରାପ୍ତ ବନ୍ଧୁକରୁ ଭୁଲବଶତଃ ଗୁଳି ଫୁଟିଥିବା ଜଣାପଡିଛି। ଗୁରୁତର ଅବସ୍ଥାରେ ତାଙ୍କୁ ଆନ୍ଧେରିର କ୍ରେଟି କେୟାର ହସ୍ପିଟାଲରେ ଭର୍ତ୍ତି କରାଯାଇଛି। ଗୁଳି ବାଜିବା ପରେ ଗୋବିନ୍ଦାଙ୍କ ଗୋଡରେ ପ୍ରବଳ ରକ୍ତସ୍ରାବ ହୋଇଛି। ଯେଉଁଥିପାଇଁ ତାଙ୍କ ଅବସ୍ଥା ଗୁରୁତର ରହିଛି। ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଚଳାଇଛି ।

ଅଭିନେତା ଗୋବିନ୍ଦା ଆଜିକାଲି ଅଭିନୟ ଦୁନିଆରୁ ଦୂରେଇ ରହିଛନ୍ତି । ଦୀର୍ଘ ଦିନ ହେଲା ତାଙ୍କୁ କୌଣସି ଫିଲ୍ମରେ ଦେଖିବାକୁ ମିଳୁନାହିଁ। ଯଦିଓ ତାଙ୍କର ମ୍ୟୁଜିକ ଭିଡିଓ ଆସୁଛି। ଏହା ସହିତ ସେ ଅନେକ ରିଅଲିଟି ଶୋ’ରେ ମଧ୍ୟ ନଜର ଆସୁଛନ୍ତି। ଗୋବିନ୍ଦା ତାଙ୍କ ପତ୍ନୀ ସୁନୀତାଙ୍କ ସହ ଟିଭିରେ ନଜର ଆସିଛନ୍ତି। ଯେଉଁଠାରେ ସେ ଅନେକ ଥର ତାଙ୍କର ବୃତ୍ତିଗତ ଏବଂ ବେଳେବେଳେ ବ୍ୟକ୍ତିଗତ ଜୀବନ ବିଷୟରେ ଖୋଲାଖୋଲି ପ୍ରକାଶ କରନ୍ତି ।