ଧୂମ୍ଧାମ୍ରେ ପାଳନ ହେଲା ବାଇକ୍ର ଜନ୍ମଦିନ
ନୂଆଦିଲ୍ଲୀ: ଧୂମ୍ଧାମ୍ରେ ପାଳନ ହେଲା ବାଇକ୍ର ଜନ୍ମଦିନ । ଏହା ପଢିବା ପରେ ଯେ କେହି ଚକିତ ହେବା ସ୍ୱଭାବିକ । ଭାବୁଥିବେ ବାଇକ୍ର ପୁଣି ଜନ୍ମଦିନ । ଏମିତି ଏକ ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି, ଯାହାକୁ ଦେଖି ଲୋକେ ଆଶ୍ଚର୍ଯ୍ୟ ହୋଇଯାଇଛନ୍ତି ।
ଅଧିକାଂଶ ଲୋକଙ୍କର ବାଇକ୍ ପ୍ରତି ବିଶେଷ ଆଗ୍ରହ ରହିଥାଏ। ସେମାନେ ପରିବାର ସଦସ୍ୟଙ୍କ ପରି ନିଜ ବାଇକ୍ର ଯତ୍ନ ନେଇଥାନ୍ତି। ନିକଟରେ ଭାଇରାଲ ଭିଡିଓରେ ଦେଖିବାକୁ ମିଳିଛି ଯେ, ଜଣେ ବ୍ୟକ୍ତି ବନ୍ଧୁମାନଙ୍କ ଗହଣରେ ନିଜ ବାଇକ୍ର ଜନ୍ମଦିନ ପାଳନ କରୁଛନ୍ତି। ପ୍ରଥମେ ବ୍ୟକ୍ତି ଜଣକ ତାଙ୍କ ବାଇକ୍କୁ ହାର ପିନ୍ଧାଉଛନ୍ତି। ପରେ ସେ ନିଜ ବାଇକ୍ରେ ବସି ଯାଉଛନ୍ତି ଏବଂ ତାଙ୍କର ଜଣେ ବନ୍ଧୁ କେକ୍ ଧରି ବାଇକ୍ ସମ୍ମୁଖରେ ଠିଆ ହୋଇ ରହୁଛନ୍ତି। ବାଇକ୍ର ଟାୟାରରେ ଏକ ପ୍ଲାଷ୍ଟିକ୍ ଛୁରି ବନ୍ଧା ହୋଇଥିବା ନେଇ ଭିଡିଓରୁ ଜଣାପଡ଼ିଛି। ବ୍ୟକ୍ତି ଜଣକ ବାଇକ୍କୁ ଷ୍ଟାର୍ଟ କରି କିଛି ବାଟ ଆଗକୁ ନେଉଛନ୍ତି ଏବଂ ତାଙ୍କ ବନ୍ଧୁ ଧରିଥିବା କେକ୍କୁ ଟାୟାରରେ ବନ୍ଧା ହୋଇଥିବା ଛୁରି ନିକଟକୁ ନେଇ ଯାଉଛନ୍ତି। ଏହିପରି ଭାବେ କେକ୍ କଟା ହେବା ସମୟରେ ଉପସ୍ଥିତ ଥିବା କିଛି ବ୍ୟକ୍ତି ଗୀତ ଗାଇ ବାଇକ୍କୁ ଜନ୍ମଦିନର ଶୁଭେଚ୍ଛା ମଧ୍ୟ ଜଣାଉଛନ୍ତି। ଏହି ଭିଡିଓଟି ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି।
